12:54 18 օգոստոսի 2017
Ուղիղ եթեր
Լևոն Ստեփանյան

Փորձագետ. ՀԱՊԿ–ն պետք է զինվորականների ինտերնացիոնալ կազմ ստեղծի

© Sputnik/ Asatur Yesayants
Քաղաքականություն
Ստանալ կարճ հղումը
2840

Ստեփանյանը կարծում է, որ ինտերնացիոնալ համակազմը կոնկրետ պետության չի պատկանի և կկիրառվի կոնֆլիկտային իրավիճակներում։

ԵՐԵՎԱՆ, 17 հոկտեմբերի — Sputnik. ասաց ԱՊՀ երկրների սահմանապահ զորքերի հրամանատարական խորհրդի նախագահի խորհրդական, ռազմական փորձագետ, Լևոն Ստեփանյանը Sputnik Արմենիա միջազգային մամուլի կենտրոնում տեղի ունեցած «Ռուս-հայկական գործակցությունը. ներկա վիճակն ու հեռանկարները» թեմայով Երևան-Մոսկվա տեսակապի ժամանակ ասաց, որ ՀԱՊԿ-ն պետք է ստեղծի ինտերնացիոնալ ռազմական անձնակազմ, որը կապված չի լինի կոնկրետ պետության հետ։

Նրա խոսքով` ինքը եղել է ՀԱՊԿ-ի ստեղծման ակունքներում։ Այս ամբողջ ընթացքում փորձը ցույց է տվել, որ կազմակերպությունը երբեմն նաև վրիպել է։

«Օրինակ` ՀԱՊԿ-ն ժամանակին հրաժարվեց օգնել Ղրղըզստանին (2010 թվականի անկարգությունների ժամանակ)։ Ինչո՞ւ Հայաստանը չդիմեց 2016 թվականի ապրիլին։ Հասկանալի էր, որ ՀԱՊԿ-ն չի խառնվելու ղարաբաղյան հակամարտությանը, այդ պատճառով էլ մենք չդիմեցինք այդ կազմակերպությանը», — ասաց Ստեփանյանը։

Նա նշեց, որ եթե ինչ-որ իրադարձություններ ծավալվեին Միջին Ասիայում, Հայաստանն էլ իր ռազմական անձնակազմը չէր ուղարկի այնտեղ։ Եվ հակառակը` միջինասիական հանրապետություններից որևէ մեկը հանուն Հայաստանի չի կռվի Ադրբեջանի դեմ։

«Ճիշտ կլիներ, եթե այդ կազմակերպությունն ունենար զինծառայողների ինտերնացիոնալ անձնակազմ… Որպեսզի ոչ մի երկիր չասի, թե այս կամ այն երկրի ներկայացուցիչներ են եկել», — ասաց Ստեփանյանը։

Նա վստահ չէ, որ իր այս գաղափարը կընդունվի, բայց կարծում է, որ սա լուծման տարբերակ է։

Ստեփանյանի կարծիքով` այն փաստը, որ ՀԱՊԿ-ի գոյության ընթացքում անդամ-երկրների թիվը ոչ միայն չի ավելացել, այլև պակասել է, ևս մեկ ահազանգ է այն մասին, որ ՀԱՊԿ-ում ամեն ինչ այնքան էլ նորմալ չէ։

Գլխավոր թեմաներ