ԵՐԵՎԱՆ, 22 դեկտեմբեր — Sputnik. Ֆինանսների նախարարի տեղակալ Կարեն Թամրազյանի ներկայացրած վիճակագրությամբ վիճակախաղերի ու շահումով խաղերի կազմակերպիչների մոտ 2014 թվականին հասույթը կազմել է 33 միլիարդ դրամ, 2015-ին՝ 38 միլիարդ, իսկ 2016-ի տվյալները դեռևս չկան, սակայն աճի միտում կրկին նկատվում է:
«Թամրազյանի խոսքով` ինտերնետ շահումով խաղերի դեպքում թվերն ավելի մեծ են` 2014-ին՝ 44 միլիարդ դրամ, 2015-ին՝ 77, և 2016-ին 9 ամսվա կտրվածքով՝ 108 միլիարդ դրամ։
«Հայ ազգային կոնգրես» խմբակցության ղեկավար Լևոն Զուրաբյանը կառավարության ներկայացուցչին հարցրեց. «Նո՞ր եք նկատել, որ կա անհրաժեշտություն` համապատասխանեցնել Հարկային օրենսգիրքն ու օրենքը»:
Կարեն Թամրազյանը պատասխանեց, որ նշված փոփոխությունը Հարկային օրենսգրքում իրականացվել է 1-ից 2-րդ ընթերցում ընկած ժամանակահատվածում, և այդ ժամանակից սկսած կառավարությունը նախաձեռնել է այս փոփոխությունը, իսկ մի քանի օր առաջ հավանություն է տրվել նախագծին և ուղարկվել ԱԺ:
Կառավարության ներկայացուցիչը փորձեց ճշտել` արդյո՞ք բավարարեց իր պատասխանը, պատգամավորն ասաց` բայց Դուք բան պատասխանեցի՞ք, որ բավարարեր:
