02:36 27 հունիսի 2017
Ուղիղ եթեր
Երևան

Դեսպան. Երևանը Ռուսաստանի հետ ռազմավարական դաշինք ունենալու կողմնակից է

© Sputnik/ Aram Nersesyan
Քաղաքականություն
Ստանալ կարճ հղումը
20 0 0

Հայ դիվանագետը հարցազրույց է տվել մեքսիկական Notimex գործակալությանը՝ նշելով, որ անկախ Հայաստանի զարգացման կարևորագույն գործոններից մեկը Ռուսաստանի հետ ունեցած հարաբերությունն է:

ԵՐԵՎԱՆ, 4 հունվարի — Sputnik. Մեքսիկայում Հայաստանի դեսպան Արա Այվազյանը հայտարարել է, որ Հայաստանի ղեկավարությունը Ռուսաստանի հետ մերձեցման քաղաքականություն է որդեգրել ՝ չնայած ԽՍՀՄ-ի փլուզումից հետո երկիրը հաջողությամբ ադապտացվել էր նոր պայմաններին:

«Մենք Ռուսաստանի Դաշնության հետ ռազմավարական դաշինք ենք կազմում, ՌԴ-ն մեր հիմնական տնտեսական գործընկերն է, մենք ԵՏՄ-ի մաս ենք կազմում, բայց միևնույն ժամանակ Հայաստանի և ԱՄՆ-ի միջև կան ռազմավարական, գործընկերական հարաբերություններ, շատ արդյունավետ և օգտակար համագործակցություն Եվրամիության հետ»,- ասել է Այվազյանը:

Նրա խոսքով՝ Հայաստանը շատ կարևոր աշխարհաքաղաքական և ռազմավարական գոտի է, որտեղ ավանդաբար բախվում են համաշխարհային գերտերությունների շահերը:

Միաժամանակ երկրի իշխանությունները ղեկավարվում են մի սկզբունքով, որի համաձայն՝ չի կարելի թույլ տալ, որ աշխարհը բաժանվի հակամարտող ճամբարների, ինչպես դա եղել է «սառը պատերազմի» տարիներին:
Դեսպանի խոսքով՝ Ռուսաստանի հետ լավ հարաբերությունները թույլ են տվել, որ իր երկիրը շարունակի զարգանալ որպես անկախ պետություն:

Նյութի ռուսերեն տարբերակը

Գլխավոր թեմաներ