23:37 17 հոկտեմբերի 2018
Ուղիղ եթեր
  • USD483.90
  • GBP635.94
  • EUR559.68
  • RUB7.38
ՀՀԿ

ՀՀԿ պատգամավոր. ընտրություններով իշխանափոխությունը գործնականում իրատեսական չէ

© Sputnik / Asatur Yesayants
Քաղաքականություն
Ստանալ կարճ հղումը
1520

Հայտնի գործարար Սամվել Կարապետյանի եղբայրը կարծում է, որ երկրում կառավարման համակարգի փոփոխության համար պետք է պայքարի կուսակցության առաջադեմ հատվածը։

ԵՐԵՎԱՆ, 28 փետրվարի — Sputnik. Հայաստանի հանրապետական կուսակցության պատգամավոր Կարեն Կարապետյանը միայն տեսականորեն է հնարավոր համարում իշխանափոխությունը գալիք խորհրդարանական ընտրություններին։

«Գործնականում նման բան չեմ տեսնում, տեսականորեն` հնարավոր է», — ասաց Կարապետյանը` մեկնաբանելով գալիք ընտրություններում իշխանափոխության հնարավորությունը։

Պատգամավորը, որի տեսակետները հաճախ չեն համընկնում կուսակցության տեսակետների հետ, նշեց, որ ասում է այն, ինչ մտածում է։

«Հաճախ չունենալով այլ հնարավորություններ` ես օգտագործում եմ հասարակական դաշտը», — ասաց Կարապետյանը` խորհրդարանի կուլիսներում պատասխանելով լրագրողների հարցերին։

Նա նշեց, որ պայքարը պետք է ընթանա ոչ միայն կուսակցությունների միջև, այլ նաև կուսակցության ներսում։

Կարապետյանի խոսքով` իրենց կուսակցությունում կան թե՛ առաջադիմական, թե՛ հետադիմական ուժեր։ Առաջինները փորձում են ինչ-որ բան փոխել դեպի լավը, մյուսները փորձում են ամեն ինչ պահպանել այնպես, ինչպես կա։

Պատասխանելով հանրապետականների կողմից երկիրը ղեկավարելու գործում իր պատասխանատվության մասին հարցին` Կարապետյանը նշեց, որ հաճախ անճշտություններ տեսնելով կառավարման մեջ` օգտագործել է սեփական և իր ընտանիքի հնարավորությունները` բնակչության սոցիալական, տնտեսական և այլ խնդիրների լուծման համար։

«Ես իմ հոգու առաջ մեծ պատասխանատվություն չունեմ», — նշեց Կարապետյանը` մեկնաբանելով երկրում ծանր տնտեսական իրավիճակը։

Русская версия

Գլխավոր թեմաներ