ԵՐԵՎԱՆ, 1 մարտի- Sputnik. ՀՀ նախագահ Սերժ Սարգսյանը մարտի 14-ին երկօրյա պաշտոնական այցով կմեկնի Մոսկվա։ Այս մասին հայտնում է «Իզվեստիա» թերթը` հղում անելով ՀՀ նախագահի աշխատակազմին։
Վլադիմիր Պուտինի մամուլի խոսնակ Դմիտրի Պեսկովը հաստատել է, որ Սերժ Սարգսյանն ու Վլադիմիր Պուտինը հանդիպելու են։
Հանդիպման ընթացքում քննարկվելու են երկկողմ համագործակցության հարցն ու Արցախի իրավիճակը։ Թերթի տվյալով` հանդիպման արդյունքում ներդրումային համաձայնագրեր են ստորագրվելու։
Վլադիմիր Պուտինի և Սերժ Սարգսյանի հանդիպումը կանցկացվի երկու երկրի միջև դիվանագիտական հարաբերությունների 25-ամյակի կապակցությամբ անցկացվող միջոցառումների շրջանակում։