23:35 18 նոյեմբերի 2017
Ուղիղ եթեր
Տաճատ Սարգսյան

Սարգսյան. Կոմկուսի մուտքը խորհրդարան կասկածներ չի առաջացնում

Asatur Yesayants
Քաղաքականություն
Ստանալ կարճ հղումը
2430

Կոմկուսը չի պատրաստվում հրաժարվել մասնավոր սեփականությունից, նա միայն ցանկանում է ավելացնել պետության չափաբաժինը տնտեսության մեջ:

ԵՐԵՎԱՆ, մարտի 20 — Sputnik. Հայաստանի կոմունիստական կուսակցությունը համոզված է, որ կհայտնվի խորհրդարանում: Այս մասին երկուշաբթի լրագրողներին հայտնեց ՀԿԿ ԿԿ առաջին քարտուղար Տաճատ Սարգսյանը:

Սարգսյանն հիշեցրեց, որ կուսակցությունն արդեն 114 տարեկան է, նրա գործունեությունը ոսկե տառերով գրված է Հայաստանի պատմության մեջ:

Անցած ընտրությունների ընթացքում, Սարգսյանի խոսքով, կուսակցությունը չհայտնվեց խորհրդարանում, որովհետև ընտրությունները կեղծված էին:

«Եթե խորհրդարանում Կոմունիստական կուսակցությունը ներկայացված չէ, եթե չեն ընդունվում օրենքներ ի օգուտ երկրի և ժողովրդի, ապա այդ խորհրդարանը «կաղում է»»,- ասաց Սարգսյանը:

Նա համոզված է, որ մյուս կուսակցություններն էլ կպաշտպանեն իրենց նախաձեռնությունները, որոնք ուղղված են արդյունաբերության ստեղծմանը, անվճար կրթությանը, առողջապահությանը: Ամենակարևոր փոփոխություններից մեկն, ըստ Սարգսյանի, առաջնագծում ապրող ծառայողների ընտանիքներին կոմունալ վճարումներից ազատելն է, իսկ մնացած զինծառայողները պետք է ստանան բազմաթիվ արտոնություններ:

Նրա խոսքով` հիմա Հայաստանի վիճակը նախանձելի չէ, երկիրը պատկանում է ծերացող երկրների շարքին, ամեն տասներորդ մարդը սոված է քնում, փակվում են գրադարանները և մշակութային կենտրոնները:

Կուսակցության քարտուղարը նշում է, որ նախորդ տարիների իրենց պասիվությունն ունի իր բացատրությունը: «Մեզ փորձում են համեմատել այն կուսակցությունների հետ, որոնք ուշադրություն գրավելու համար գոռգոռում էին փողոցներում: Այնինչ, Կոմկուսի գաղափարախոսությունն ավելի քան հարյուրամյա պատմություն ունի», — ասաց Սարգսյանը:

Կուսակցությունը գնում է ընտրությունների «Կոմունիստների հաղթանակը`ժողովրդի հաղթանակն է» կարգախոսով։

Կոմունիստները կառույցներ ունեն Հայաստանի բոլոր մարզերում, չնայած ոչ բոլորն են գործում` ֆինանսական պատճառներով:

«Մենք ունենք 20-հազարանոց համակիրների ուժեղ բանակ, ինչպես նաև բազմաթիվ կողմնակիցներ: Հուսով ենք, որ ժողովուրդը ցանկանում է տեսնել մեզ խորհրդարանում: Ամեն երկրորդը կասի, որ ուզում է տեսնել Կոմկուսին խորհրդարանում», — կարծում է Սարգսյանը:

Նրա կարծիքով` Կոմկուսը հենց այն ընդդիմությունն է, որն, անպայման, պետք է ներկայացված լինի խորհրդարանում:

Sputnik Արմենիայի հարցին` կիրականացնի արդյո՞ք ՀԿԿ-ն անցում մասնավոր սեփականությունից պետականին, Սարգսյանը բացասական պատասխան տվեց: Նրանք ընդունում են սեփականության բոլոր ձևերը, սակայն պետության չափաբաժինը տնտեսության մեջ պետք է ավելացնել:

Ինչ վերաբերում է արտաքին քաղաքականությանը, ապա Սարգսյանի կարծիքով, Հայաստանի մուտքը ԵԱՏՄ ճիշտ որոշում էր, քանի որ սովետական շրջանում տնտեսությունները սերտ կապված էին և արդեն համագործակցության փորձ ունեն: Սակայն դա, ըստ բանախոսի, չի խանգարում ԵՄ-ի հետ հարաբերություններին:

Русская версия

Գլխավոր թեմաներ