22:26 22 օգոստոսի 2017
Ուղիղ եթեր
Արմեն Աշոտյան

Արմեն Աշոտյան. «Ուրախ եմ, որ այսօր երազը դառնում է իրականություն»

© Sputnik/ Asatur Yesayants
Քաղաքականություն
Ստանալ կարճ հղումը
Ազգային ժողովի ընտրություններ. 2017 (97)
61 0 0

ՀՀԿ-ի համար մրցակիցների երկու դաշտ է եղել` Հայաստանի չլուծված խնդիրները, որոնց լուծման համար մենք առաջարկել ենք ամենաիրատեսական ու մրցունակ ծրագիրը, և երկրորդը՝ բոլոր քաղաքական ուժերը։ Այս մասին այսօր լրագրողների հետ հանդիպմանն ասաց ՀՀԿ փոխնախագահ Արմեն Աշոտյանը։

ԵՐԵՎԱՆ, 2 ապրիլի — Sputnik. Քվեարկության ավարտից հետո լրագրողներին հանդիպած ՀՀԿ փոխնախագահ Արմեն Աշոտյանն ասաց, որ քաղաքական պայքարն իրականում քարոզչություն էր, տեղեկատվական պատերազմ էր բացառապես ՀՀԿ-ի դեմ։

Լրագրողների հարցին, թե ինչո՞ւ էին քաղաքական բոլոր ուժերը հիմնական մրցակից ՀՀԿ-ին համարում, Արմեն Աշոտյանը պատասխանեց, թե փոքր ուժերը մեծին ձեռնոց են նետում, որ իրենց մասին խոսեն:

Անդրադառնալով կարծիքներին, թե ընտրախախտումները հիմնականում կատարվել են ՀՀԿ կողմից, Աշոտյանը հակադարձեց. «Կենտրոնական ընտրական հանձնաժողովը 2 ժամ առաջ հայտարարեց, որ 1 միլիոն 300 հազար ընտրող մասնակցել է ընտրություններին: Դիցուք, հիմա 200 հազար ավելի ընտրող կլինի: Դիցուք, բոլոր ահազանգերը տեղին են ու մենք ունենք 8900 ահազանգ: 1,5 միլիոն մասնակցության պարագայում 8900 ահազանգերը կկազմեն այս թվի 0.7 տոկոսը, եթե, իհարկե, համապատասխանեն իրականությանը: Դրանց օբյեկտիվ լինելու դեպքում մենք կունենք 99.3 տոկոսանոց մաքուր ընտրություններ: Սա բացարձակ արժեքի պես արժեք է»:

Աշոտյանը հիշեցրեց նաև, որ ՀՀ գլխավոր դատախազությունն արդեն իսկ ուսումնասիրել է 1200-ից ավել ահազանգ և միայն 200 ահազանգի հիման վրա է քրեական վարույթ հարուցվել: «Մաթեմատիկական լեզվով փաստենք, որ դիցուք, բոլոր ահազանգերը տեղին են, դա նշանակում է, որ մենք ունենք առնվազն 99 տոկոսանոց ընտրություն: Նման արդյունքի մասին կարելի էր երազել: Ուրախ եմ, որ այսօր այդ երազը դառնում է իրականություն»,- շեշտեց Արմեն Աշոտյանը:

Նրա խոսքով՝ այս ընտրությունների ընթացքը և քարոզարշավը ցույց տվեցին, որ սահմանադրական փոփոխությունների միջոցով առավել ժողովրդավար Հայաստան կառուցելու ցանկությունը կարելի է կյանքի կոչել։ «Այսօրվա ընտրությունները միասնական համատեղ քաղաքական ջանքերի, քաղաքացիական պարտքի համադրման եւ համաձուլման հաղթանակն էին», – ասաց նա։

Աշոտյանի խոսքով` այս ընտրությունները հաղթանակ էին մեր հասարակության և բոլոր քաղաքական ուժերի համար։

Русская версия

թեմա:
Ազգային ժողովի ընտրություններ. 2017 (97)

Գլխավոր թեմաներ

  • Ծովակալ Իսակով

    …1941 թվականին Շլիսելբուրգի մերձակայքում նա կորցրեց ձախ ականջի լսողությունը, իսկ մեկ տարի անց Սոչիում անդամահատեցին նրա ոտքը` ազդրին հասցված բեկորային վիրավորման հետևանքով առաջացած փտախտի պատճառով։ Վիրահատությունից հետո երկու ժամ չէր շոշափվում զարկերակը, սակայն նա ողջ մնաց։

    3
  • Ծրագրավորող

    Հայաստանը, Բելառուսը, Մոլդովան, Ռուսաստանն ու Ուկրաինան աշխարհի ամենամեծ ՏՏ–շուկան են ձևավորել, որում ընդգրկված է 15 հազար մասնագետ և երկու հազար ընկերություն։ Այս եզրակացությանն են հանգել Yalantis ընկերության մասնագետները։

    12
  • Ատենախոսություն

    Հայաստանը գիտական գրագողությունների բացահայտմամբ նախկին ԽՍՀՄ–ում առաջին տեղում է։ Բացահայտվում են ոչ միայն Հայաստանում ու հայերենով, այլև արտերկրում այլ լեզուներով կատարված գրագողությունները, Sputnik Արմենիային հայտնեցին Բարձրագույն որակավորման հանձնաժողովից։

    32