ԵՐԵՎԱՆ, 27 ապրիլի — Sputnik. ՀՅԴ-ն իշխանությունից չի հեռանա և կշարունակի համագործակցել ՀՀԿ-ի հետ՝ առաջիկայում կոալիցիոն նոր փաստաթուղթ ստորագրելով իշխող կուսակցության հետ։ Այս մասին այսօր՝ ապրիլի 27-ին, ՀՀԿ ԳՄ նիստից հետո լրագրողներին ասաց կուսակցության մամուլի խոսնակ, ԱԺ փոխնախագահ Էդուարդ Շարմազանովը:
«ՀՀԿ-ի և ՀՅԴ-ի միջև համագործակցության քննարկումներն ավարտական փուլում են։ Ընդհանուր հարցերում եկել ենք համաձայնության և տեսանելի ապագայում կստորագրենք համագործակցության փաստաթուղթ»,- ասաց նա:
Թե ինչ ձրաչափով է լինելու համագործակցությունը և որ նախարարական պորտֆելները բաժին կհասնեն Դաշնակցությանը, առայժմ չի նշվում։ Լրագրողների հարցերին ի պատասխան Շարմազանովը հորդորեց սպասել:
