00:09 20 փետրվարի 2019
Ուղիղ եթեր
  • USD487.50
  • GBP629.90
  • EUR551.07
  • RUB7.36
ԿԸՀ

ԿԸՀ-ն քննում է «ԵԼՔ»-ի դիմումները

© Photo: ARKA news agency
Քաղաքականություն
Ստանալ կարճ հղումը
1410

Կենտրոնական ընտրական հանձնաժողովն արտահերթ նիստում քննում է «Ելք» դաշինքի երկու դիմումները:

ԵՐԵՎԱՆ, 12 մայիսի — Sputnik. «Ելք» դաշինքն առաջին դիմումով պահանջում է, որպեսզի ԿԸՀ-ն դատարան դիմի` Երևանի ավագանու առաջիկա ընտրություններին Հանրապետական կուսակցության գրանցումը ուժը կորցրած ճանաչելու հայցով։ Պատճառը երեկ «Հայկական ժամանակ» օրաթերթի լրագրողի արձանագրածն է, ըստ որի` ՀՀԿ քաղաքապետի թեկնածու Տարոն Մարգարյանի շտաբում, ենթադրաբար, ընտրակաշառք է բաժանվում, և կան քվեաթերթիկ հիշեցնող տրցակներ:

Մյուս դիմումով «Ելք»-ը պահանջում է, որ ԿԸՀ-ն դիմի ոստիկանություն, որպեսզի ՀՀԿ-ի նախընտրական շտաբերում սահմանվի հերթապահություն՝ հնարավոր խախտումներ բացառելու համար:

ԿԸՀ-ում «Ելք» դաշինքի ներկայացուցիչ Վահագն Հովակիմյանը հանձնաժողովի նախագահից խնդրեց պարզաբանել իր մեկնաբանությունը, որում ԿԸՀ-ի նախագահն ասել է, որ ՀՀԿ շտաբում բաժանվել է ոչ թե իրական քվեաթերթիկ, այլ քարոզչական նմուշ:

Տիգրան Մուկուչյանը պատասխանեց, որ ինքն ասել է, որ «ՀԺ»-ի լրագրողների արձանագրած քվեաթերթիկները չեն եղել ԿԸՀ-ի կողմից ՏԸՀ-ներին տրամադրած քվեաթերթիկներից:

Վահագն Հովակիմյանը ԿԸՀ-ին սկավառակի տեսքով փոխանցեց նաև Արաբկիր վարչական շրջանում «Ելք» դաշինքի վստահված անձանց կողմից հայտնաբերված ՀՀԿ-ի ցուցակները և միջնորդեց, որպեսզի դրանք քննության առարկա դառնան:

 

Գլխավոր թեմաներ