14:36 21 սեպտեմբերի 2017
Ուղիղ եթեր
Միքայել Մելքումյան

«Ծառուկյան» դաշինքը որոշել է` ում է առաջադրելու ԱԺ փոխնախագահի պաշտոնում

© Sputnik/ Karen Yepremyan
Քաղաքականություն
Ստանալ կարճ հղումը
20 0 0

Գագիկ Ծառուկյանի հետ հանդիպումից հետո պարզ է դարձել, թե «Ծառուկյան» դաշինքն ում թեկնածությունն է առաջադրելու ԱԺ փոխնախագահի պաշտոնում։

ԵՐԵՎԱՆ, 17 մայիսի — Sputnik. «Ծառուկյան» դաշինքն Ազգային ժողովի փոխնախագահի պաշտոնում կառաջադրի Միքայել Մելքումյանի թեկնածությունը: ԲՀԿ կենտրոնական գրասենյակում Գագիկ Ծառուկյանի հետ հանդիպման ավարտից հետո լրագրողներին հայտնեց «Ծառուկյան» դաշինքից ընտրված պատգամավոր Վահե Էնֆիաջյանը:

«Գիտեք, որ նոր օրենսդրությամբ ազգային ժողովն ունենալու է երեք փոխնախագահ, որոնցից մեկը պետք է լինի ընդդիմադիր դաշտից: «Ծառուկյան» դաշինքն ունի իր թեկնածուն առաջարկելու հնարավորությունը, և մենք քննարկել ենք ու առաջադրելու ենք Միքայել Մելքումյանի թեկնածությունը»,- ասաց Էնֆիաջյանը:

Նրա խոսքով` ԱԺ-ում «Ծառուկյան» դաշինքի խորհրդարանական խմբակցությունը կղեկավարի «Բարգավաճ Հայաստան» կուսակցության առաջնորդ Գագիկ Ծառուկյանը:

Խմբակցության քարտուղարի հարց դեռ չի քննարկվել, բայց Վահե Էնֆիաջյանը չբացառեց, որ ինքը կշարունակի լինել խմբակցության քարտուղարը:

Русская версия

Գլխավոր թեմաներ