06:56 16 հուլիսի 2018
Ուղիղ եթեր
  • USD481.17
  • GBP631.92
  • EUR559.84
  • RUB7.73
Էդվարդ Նալբանդյան

Հայաստանի և Ադրբեջանի արտգործնախարարները կհանդիպեն սեպտեմբերին

© Sputnik / Asatur Yesayants
Քաղաքականություն
Ստանալ կարճ հղումը
2610

Հայաստանի և Ադրբեջանի նախագահների հնարավոր հանդիպման մասին դեռ կոնկրետ պայմանավորվածություն չկա։

ԵՐԵՎԱՆ, 9 Օգոստոս — Sputnik. ՀՀ ԱԳՆ Էդվարդ Նալբանդյանը և Ադրբեջանի ԱԳՆ Էլմար Մամեդյարովը կհանդիպեն Նյու Յորքում, այս տարվա սեպտեմբերին։ Այս մասին այսօր լրագրողների հետ զրույցում ասել է Հայաստանի արտաքին գործերի նախարար Էդվարդ Նալբանդյանը:

«Հանդիպման օրակարգում այն հարցերն են, որոնց մասին բազմիցս խոսվել են`համապատասխան պայմաններ ստեղծել, որ առաջ տանենք բանակցային գործընթացը»,–ասել է նախարարը:

Հարցին, թե ԵԱՀԿ Մինսկի խմբի համանախագահները պատրաստվո՞ւմ են նոր առաջարկներ ներկայացնել հակամարտության կողմերին, Էդվարդ Նալբանդյանը պատասխանել է. «Հեծանիվ հնարելը դժվար է, այն, ինչ-որ կա, կա, և դրա շուրջ մենք բանակցություններ ենք վարելու: Պետք է տրամադրված լինել բանակցություններին, որովհետև բանակցություններին այլընտրանք չկա»:

Պատասխանելով նախագահների հանդիպման մասին հարցին` Նալբանդյանը նշել է, որ Հայաստանի և Ադրբեջանի նախագահների հնարավոր հանդիպման վերաբերյալ դեռևս որևէ կոնկրետ պայմանավորվածություն չկա։

Գլխավոր թեմաներ