04:21 24 հոկտեմբերի 2017
Ուղիղ եթեր
Շավարշ Քոչարյան

Քոչարյան. «Ադրբեջանը չի կարող դառնալ ԵԱՏՄ դիտորդ, ուր մնաց` անդամ»

© Sputnik/ Asatur Yesayants
Քաղաքականություն
Ստանալ կարճ հղումը
24 0 0

ՀՀ փոխարտգործնախարար Շավարշ Քոչարյանը խոսել է Ադրբեջանի` ԵԱՏՄ անդամակցության հավանականության մասին։

ԵՐԵՎԱՆ, 12 հոկտեմբերի — Sputnik. Ադրբեջանը չի դիմել ԵԱՏՄ անդամակցության համար, երբ դիմի, մեր դիրքորոշումը շատ հստակ ու պարզ է: Այս մասին կառավարության նիստից հետո ասաց ՀՀ փոխարտգործնախարար Շավարշ Քոչարյանը։

«ԵԱՏՄ-ում դիտորդ դառնալու համար կա պայմանագրի դրույթ, որը հետևյալն է ասում՝ չի կարող դիտորդ դառնալ այն պետությունը, որը քայլեր է ձեռնարկում ի վնաս որևէ անդամ պետության և ամբողջ կառույցի»,-ասաց Քոչարյանը։

Ըստ նրա` նույն տրամաբանությամբ հարցը կարելի է դիտարկել նաև տնտեսական հարթակում։

«Այսինքն` խոսք չկա անգամ դիտորդ դառնալու մասին, ուր մնաց` անդամակցության»,-ասաց Քոչարյանը։

Քոչարյանը թեմային անդրադարձավ լրագրողների խնդրանքով, որոնք հիշեցրին ՌԴ նախագահի՝ տարածաշրջանային տնտեսական ինտեգրացման հարցերով խորհրդական Սերգեյ Գլազևի հայտարարությունը, թե Ադրբեջանի՝ ԵԱՏՄ անդամակցությունը կախված է Հայաստանի ցանկությունից։

Գլխավոր թեմաներ