ԵՐԵՎԱՆ, 16 հոկտեմբերի – Sputnik. ՀՀ նախագահ Սերժ Սարգսյանը բանակցությունների վայրից, ըստ խոսնակի, ուղևորվել է Շվեյցարիայում ՀՀ դեսպանություն, որտեղ նախատեսված է հանդիպում հայ համայնքի ներկայացուցիչների հետ:
«Ալիևը լքեց Ժնևի ՄԱԿ-ի գրասենյակում և այլ միջազգային կազմակերպություններում Շվեյցարիայի մշտական ներկայացուցչի կեցավայրը»,-գրում է Հակոբյանը` չմանրամասնելով, թե ուր է գնացել Ալիևը։
Ինչպես ավելի վաղ հաղորդել ենք, Ժնևի ՄԱԿ-ի գրասենյակում և այլ միջազգային կազմակերպություններում Շվեյցարիայի մշտական ներկայացուցչի կեցավայրում այսօր տեղի է ունեցել ՀՀ և Ադրբեջանի նախագահների հանդիպումն ու բանակցությունները ԼՂ խնդրի կարգավորման շուրջ։
Հանդիպմանը ներկա են եղել նաև երկու երկրների արտաքին գործերի նախարարներ Էդվարդ Նալբանդյանն ու Էլմար Մամեդյարովը, ԵԱՀԿ ՄԽ համանախագահներ Իգոր Պոպովը, Էնդրյու Շեֆերը, Ստեֆան Վիսկոնտին և ԵԱՀԿ գործող նախագահի անձնական ներկայացուցիչ Անջեյ Կասպրշիկը։
Հանդիպման ավարտին տեղի է ունեցել նաև Սերժ Սարգսյանի և Իլհամ Ալիևի առանձնազրույցը:
