00:25 23 նոյեմբերի 2017
Ուղիղ եթեր
Մարիա Զախարովա

Ռուսաստանի ԱԳՆ–ն խոսել է Նալբանդյանի ու Մամեդյարովի առաջիկա հանդիպման մասին

© Sputnik/ Виталий Белоусов
Քաղաքականություն
Ստանալ կարճ հղումը
23 0 0

ԵԱՀԿ Մինսկի խմբի միջնորդները աշխատելու են Հայաստանի ու Ադրբեջանի արտգործնախարարների` Էդվարդ Նալբանդյանի ու Էլմար Մամեդյարովի հանդիպման կազմակերպման ուղղությամբ, հայտնում է ՌԴ ԱԳՆ–ն։

ԵՐԵՎԱՆ, 9 նոյեմբերի — Sputnik. Հայաստանի ու Ադրբեջանի արտգործնախարարների հանդիպումը, որը պատրաստվում է` հաշվի առնելով Ժնևում հոկտեմբերի 16-ին կայացած արցախյան հարցի շուրջ գագաթնաժողովի արդյունքները, նախատեսված է անցկացնել տարեվերջին, այսօր ճեպազրույցի ընթացքում ասել է Ռուսաստանի ԱԳՆ պաշտոնական ներկայացուցիչ Մարիա Զախարովան։

Նա նշել է, որ այդ հանդիպումից առաջ համանախագահներն առանձին խորհրդատվություններ կանցկացնեն Նալբանդյանի ու Մամեդյարովի հետ։

«Ինչ վերաբերում է տարբեր ձևաչափով շփումներին, դրանք էլ չեն բացառվում ու մշակման փուլում են», —ասել է Զախարովան։

Ավելի վաղ Երևանը հաստատել է, որ միջնորդները պատրաստում են Հայաստանի ու Ադրբեջանի ԱԳ նախարարների հանդիպումը։

Ժնևյան վերջին հանդիպման ընթացքում Հայաստանի ու Ադրբեջանի նախագահները պատրաստականություն են հայտնել ինտենսիվացնել բանակցային գործընթացն ու ջանքեր գործադրել շփման գծում լարվածությունը նվազեցնելու ուղղությամբ։

Գլխավոր թեմաներ