01:46 18 հոկտեմբերի 2018
Ուղիղ եթեր
  • USD483.90
  • GBP635.94
  • EUR559.68
  • RUB7.38
Իրան

Քաղաքագետ. Իրանի իրադարձությունները հրահրել է Իսրայելը

© REUTERS / Tasnim News Agency
Քաղաքականություն
Ստանալ կարճ հղումը
Հայաստան–Իրան գործակցություն (53)
5810

Իսրայելի գործողությունները պատասխանն են Իրանի կողմից «ՀԱՄԱՍ» և «Հեզբոլլահ» կազմակերպություններին աջակցելուն։

ԵՐԵՎԱՆ, 12 հունվարի — Sputnik. Իրանում բողոքների հիմնական նախաձեռնողը եղել է Իսրայելը, այսօր լրագրողներին ասաց քաղաքագետ Սերգեյ Շաքարյանցը։

Նրա խոսքով` բանն այն է, որ դեկտեմբերի 26–ին ստորագրվել է կարևոր փաստաթուղթ, որի համաձայն պաղեստինական «ՀԱՄԱՍ» և լիբանանյան «Հեզբոլլահ» կազմակերպությունները պայմանավորվել են ստեղծել ընդհանուր համակարգման կենտրոն։

Այդ կենտրոնի աշխատանքին կմասնակցեն «Հաշդ աշ Շաաբի» իրաքյան խմբավորման ներկայացուցիչները։ Սա շիական կազմակերպություն է, որը մասնակցել է Իսլամական պետությունից Իրաքի տարածքն ազատագրելուն, քրդերից Քիրքուկը հետ նվաճելուն։

«Ե՛վ Հեզբոլլահը, և՛ Հաշդ աշ Շաաբին անմիջականորեն կապված են Իրանի հետ», – ասաց Շաքարյանցը։

Նա կարծում է, որ Իսրայելը արագ Իրան է ուղարկել իր հետախուզական գործակալներին հենց ՀԱՄԱՍ–Հեզբոլլահ համաձայնագրի ստորագրման պատճառով, քանի որ դա անմիջականորեն սպառնում է նրա շահերին։

Քաղաքագետի խոսքով` հենց այդ համաձայնագրի ստորագրումից հետո (երկու օր անց) Իրանում սկսվել են բողոքի ակցիաներ։ Իհարկե, առկա է սոցիալ–տնտեսական գործոնը, սակայն այն վճռորոշ չէ։

«Իզուր չէ, որ ԱՄՆ–ի և Իսրայելի հատուկ ծառայությունների ղեկավարները հայտարարել են, որ Իրանում «հեղափոխությունը» պետք է շարունակվի», – ասաց Շաքարյանցը։

Իրավիճակն ապակայունացնելու փորձերը ձախողվել են, իսկ Իրանը, քաղաքագետի կարծիքով, օգտվել է իրավիճակից և բացահայտել գաղտնի կազմակերպություններ, որոնք կառավարվում են դրսից։

Շաքարյանցը նշեց, որ պաշտոնական տվյալներով ամբողջ երկրում ցույցերին մասնակցել է շուրջ 50 հազար մարդ։

«Եթե Արևմուտքում կամ նույնիսկ Երևանում ասում են` ժողովուրդն ընդվզել է, ապա դա ծիծաղելի է։ Նույնիսկ, եթե այնտեղ ընդվզողները 500 հազար լինեին, ապա 80–միլիոնանոց Իրանում նրանց չի կարելի մեծամասնություն անվանել», – կարծում է Շաքարյանցը։

Նրա խոսքով` իշխանությունները դուրս են եկել իրավիճակից` 4 հազար ձերբակալվածներից վանդակի հետևում թողնելով միայն նրանց, ովքեր զինված են եղել, կամ այլ հանցագործություններ են կատարել (խանութներ են կողոպտել և փչացրել մասնավոր գույքը)։

Իրանում բողոքի ակցիաները բռնկվել են դեկտեմբերի վերջին օրերին և տևել մի քանի օր, սակայն ճնշվել են իշխանությունների կողմից։ Պաշտոնական Թեհրանը մեղադրել է արտաքին ուժերին երկրում իրավիճակն ապակայունացնելու մեջ։

Իրանի խոշոր քաղաքներում անցյալ տարվա դեկտեմբերի 28-ից սոցիալական բողոքի զանգվածային ակցիաներ են ընթանում։ Իրանի նախագահ Հասան Ռոհանին հայտարարել է, որ բողոքի ցույցերը կապված են երկրի ներքին խնդիրների, ինչպես նաև այլ երկրների կողմից ոտնձգությունների հետ։ ԶԼՄ-ների տվյալներով, անկարգությունների զոհ է դարձել 20 մարդ։

թեմա:
Հայաստան–Իրան գործակցություն (53)

Գլխավոր թեմաներ