23:56 15 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Էդուարդ Շարմազանով

Շարմազանով. «Խորհրդարանը Վեչե չէ, որտեղ հարցերը լուծում էր նա, ով ամենաբարձրն էր բղավում»

© Sputnik / Asatur Yesayants
Քաղաքականություն
Ստանալ կարճ հղումը
78 0 0

Հանրապետական կուսակցության մամուլի քարտուղար Էդուարդ Շարմազանովը նշել է, որ ընդդիմության ներսում կոնսենսուս չկա, և խորհրդարանում փոքրամասնություն լինելով` այն իրավունք չունի իր պայմանները թելադրելու։

ԵՐԵՎԱՆ, 11 ապրիլի — Sputnik. Յուրաքաչյուր քաղաքացի և քաղաքական ուժ իրավունք ունի օրենքի շրջանակում ցույցեր անցկացնելու և իր կարծիքը հայտնելու։ ՀՀԿ գործադիր մարմնի նիստից հետո լրագրողներին տված հարցազրույցի ժամանակ նման կարծիք է հայտնել իշխող կուսակցության մամուլի քարտուղար, ԱԺ փոխնախագահ Էդուարդ Շարմազանովը` մեկնաբանելով Սերժ Սարգսյանի դեմ ուղղված բողոքի ակցիաները։

«Դա նրանց սահմանադրական իրավունքն է, իսկ մեր իրավունքն է վարչապետի պաշտոնում մեր թեկնածուին առաջադրելը։ Երբ Նիկոլ Փաշինյանի ղեկավարած «Քաղաքացիական պայմանագիրը» խորհրդարանում մեծամասնություն դառնա, այն ժամանակ թող իր թեկնածությունն առաջադրի»,- ասել է Շարմազանովը։

Նա նաև նշել է, որ այսօր «Ելք» դաշինքի հինգ պատգամավորներ, որի կազմում ընդգրկված է նաև Փաշինյանի կուսակցությունը, նիստերի դահլիճում նստած էին և չէին մասնակցում «Իմ քայլը» ակցիային, որը նախաձեռնել էր ՔՊ-ի առաջնորդը։ Հանրապետական կուսակցության ներկայացուցչի խոսքով` հենց դաշինքի ներսում կոնսենսուս գոյություն չունի։

Հայաստանն, ըստ Շարմազանովի, միջնադարյան Նովգորոդը չէ, իսկ խորհրդարանը Վեչե չէ, որտեղ հարցերը լուծում էր նա, ով ամենաբարձրն էր բղավում։

Գլխավոր թեմաներ