00:53 21 օգոստոսի 2018
Ուղիղ եթեր
  • USD483.10
  • GBP615.42
  • EUR551.12
  • RUB7.20
Նիկոլ Փաշինյան

Ո՞ւր էին տարել Փաշինյանին և ո՞վ է որոշել նրան ազատ արձակել. պատմում է դատախազը

© Sputnik / Asatur Yesayants
Քաղաքականություն
Ստանալ կարճ հղումը
ՀՀ վարչապետ Նիկոլ Փաշինյան (414)
483410

ՀՀ գլխավոր դատախազն այսօր ԱԺ-ում որոշ մանրամասներ է պատմել ապրիլյան հանրահավաքների օրերին կայացված քաղաքական որոշումների ու իրավապահների գործողությունների մասին:

ԵՐԵՎԱՆ, 15 մայիսի — Sputnik. Ո՞վ և ո՞ւր էին տարել Նիկոլ Փաշինյանին ապրիլի 22–ի հանրահավաքի վայրից և ո՞վ է դրա համար պատասխանատու: ԱԺ «Ելք» խմբակցության պատգամավոր Էդմոն Մարուքյանն այսօր այս հարցով դիմեց ՀՀ Գլխավոր դատախազ Արթուր Դավթյանին:

Էդմոն Մարուքյանը նաև հետաքրքրվեց պատգամավորներ Արարատ Միրզոյանի, Սասուն Միքայելյանի ձերբակալությունների, հավաքների ընթացքում ինչ-որ անձանց կատարած հանցագործությունների մասին։

«Դատախազությանը հասանելի ցանկացած դեպք ուսումնասիրվել է, ընդունվել է վարույթ, տեսանյութերը ուսումնասիրվել են: Հարուցված են բազմաթիվ քրեական գործեր: Ընթանում է նախաքննություն»,- անդրադառնալով ապրիլյան իրադարձությունների օրերին գրանցված դեպքերին՝ ասաց գլխավոր դատախազը:

Ինչ վերաբերում է Արարատ Միրզոյանի, Սասուն Միքայելյանի ու Նիկոլ Փաշինյանի բերման ենթարկվելուն ու ձերբակալվելուն, Արթուր Դավթյանը նշեց, որ դա տեղի է ունեցել ապօրինի հավաքներ կազմակերպելու և մասնակցելու մեղադրանքով: Բայց և վստահեցրեց, որ պատգամավորներին իրավունք է տրվել զանգել ու տեղեկացնել գտնվելու վայրի մասին՝ 12 ժամվա ընթացքում, ինչը նախատեսված է օրենքով:

Դատախազը նաև հիշեցրեց, որ Նիկոլ Փաշինյանի ձերբակալությունից հետո ինքը միջնորդություն էր ներկայացրել նրան պատգամավորական անձեռնմխելիությունից զրկելու  մասին:

«Հայտնի իրադարձությունները տեղի ունեցան, փոխվարչապետը դիմեց ինձ՝ չնախաձեռնել ԱԺ-ում քննարկում: Իմ կողմից կայացվեց համապատասխան որոշում, և նույն օրը պատգամավորները, այդ թվում՝ Նիկոլ Փաշինյանը, ազատ են արձակվել»,- ասաց Արթուր Դավթյանը:

ՀՀ գլխավոր դատախազը հայտարարեց, որ դա ոչ թե իրավական, այլ քաղաքական որոշում է եղել: «Հանրապետական մեծամասնության ղեկավարը դիմում է ինձ՝միջնորդությունը հետ կանչելու հարցով: Բնական է, որ եթե մեծամասնությունը դեմ է, այդ որոշումը չի ընդունվելու: Էլ ինչ իմաստ ուներ միջնորդություն ներկայացնել»,- իր գործողություններն այսպես մեկնաբանեց գլխավոր դատախազը:

Հիշեցնենք, որ ապրիլի 22–ին Սերժ Սարգսյանի վարչապետության դեմ ընթացող բողոքի զանգվածային ակցիանների ֆոնին, երբ տապալվեց Սերժ Սարգսյան– Նիկոլ Փաշինյան հանդիպումը,  մեկ ժամ հետո ոստիկանությունը բերման ենթարկեց Նիկոլ Փաշինյանին, Արարատ Միրզոյանին և Սասուն Միքայելյանին։


Նրանք պատգամավորական անձեռնմխելիություն ունեն, և կալանավորելու համար ԱԺ–ի որոշումն էր հարկավոր։
Սակայն ապրիլի 23–ին քաղաքական որոշում կայացվեց պատգամավորներին ազատ արձակելու։

թեմա:
ՀՀ վարչապետ Նիկոլ Փաշինյան (414)

Ըստ թեմայի

Երևանում բերման ենթարկված ցուցարարների թիվը հատել է 130–ի սահմանը
Գյումրիում բերման ենթարկված բոլոր քաղաքացիներն ազատ արձակվեցին
Երևանը «Փաշինյան» է լսում. տեսանյութ

Գլխավոր թեմաներ