17:48 14 օգոստոսի 2018
Ուղիղ եթեր
  • USD483.03
  • GBP617.31
  • EUR550.85
  • RUB7.23
Էդմոն Մարուքյան

Թանդիլյանի կուսակցությունը չէր սպասում, որ նա կհրաժարվի նախարարի պաշտոնից. Մարուքյան

© Sputnik / Asatur Yesayants
Քաղաքականություն
Ստանալ կարճ հղումը
278 0 0

Կառավարությունը շտապել է կենսաթոշակային բարեփոխումների հարցում, իսկ Թանդիլյանն առաջարկում էր սպասել ու քննարկումներ անցկացնել։

ԵՐԵՎԱՆ, 13 հունիսի — Sputnik. Մանե Թանդիլյանի «Լուսավոր Հայաստան» կուսակցությունն էլ չէր սպասում, որ նա կհրաժարվի նախարարի պաշտոնից։ Այս մասին խորհրդարանում լրագրողներին ասաց կուսակցության ղեկավար, «Ելք» դաշինքի պատգամավոր Էդմոն Մարուքյանը։

«Մենք չէինք սպասում, որ նա այդպիսի որոշում կկայացնի։ Սակայն մենք հարգում ենք Մանեի դիրքորոշումը, մա մեր համախոհն է, մեր ընկերը։ Չենք կարող ասել, որ անտարբեր ենք։ Քանի որ մենք ենք նրան որպես նախարար առաջադրել։ Սակայն, այսպես թե այնպես, մենք ցանկացած կարգավիճակում շարունակելու ենք աշխատել նրա հետ», – հայտնեց Մարուքյանը։

Հիշեցնենք, որ երեկ` հունիսի 12–ին, Թանդիլյանը հայտնել էր, որ հեռանում է կառավարությունից ու կուսակցությունից։ Սակայն նա պաշտոնական դիմում չի ներկայացրել ո՛չ կառավարություն, ո՛չ կուսակցություն։

«Այդ պատճառով նա մեզ համար նախարար է։ Ինչ վերաբերում է կուսակցությանը, ապա եթե դիմում լինի, խորհուրդը կքննարկի այն։ Եթե նա իսկապես որոշի գնալ, դա մեզ համար ցավոտ որոշում կլինի։ Քանի որ նա մեր կուսակցության փոխնախագահն է։ Մենք չէինք ցանկանա, որ նա հեռանար», – ասաց Մարուքյանը։

Հիշեցնենք նաև, որ Թանդիլյանը տեղեկացրել էր, որ հեռանում է, քանի որ կառավարությունը հրաժարվել է հետաձգել պարտադիր կուտակային կենսաթոշակային համակարգի ներդրումը։

Թանդիլյանն ընդգծել էր, որ այս հարցը սկզբունքային նշանակություն ունի իր համար։ Նա հույս ուներ, որ կառավարությունը այլ որոշում կկայացնի, հանրային քննարկումների ճանապարհով։ Նա ընդգծել էր, որ նախորդ կառավարության հրամայական միջոցներն այստեղ անընդունելի են։

Հաշվի առնելով, որ նա կառավարության անդամ է դարձել «Լուսավոր Հայաստան» կուսակցությունից, նա դուրս է եկել նաև կուսակցությունից։

Մարուքյանի խոսքով` կուսակցությունը դեմ է կենսաթոշակային բարեփոխումներին, սակայն ստեղծված իրավիճակում անհնար էր գոնե ժամանակավոր նոր կարգ չընդունել։

Նրա խոսքով` «Լուսավոր Հայաստանը» պատրաստ է շարունակել քննարկումները ու վերջնական պարզել` որքանով են օրինական կուտակային թոշակները (ՀՀ սահմանադրության տեսակետից) և որքան են դրանք ձեռնտու քաղաքացիների համար։

Ըստ թեմայի

Մանե Թանդիլյանի պարագան մի քիչ այլ էր. Ռուստամյանը խոսեց պարտադիր կուտակայինի մասին
Քոչարյան. «Ափսոսում եմ, որ Մանե Թանդիլյանի նման կադրը հրաժարական է տվել»
Մանե Թանդիլյանը հրաժարական տվեց
թեգերը:
Մանե Թանդիլյան, Հայաստան

Գլխավոր թեմաներ