22:48 19 նոյեմբերի 2018
Ուղիղ եթեր
  • USD485.09
  • GBP624.17
  • EUR554.26
  • RUB7.37
Հայ զինծառայող

Մոսկվայում հույս ունեն, որ Երևանն ու Բաքուն կպայմանավորվեն Արցախի դիտորդների հարցում

© AFP 2018 / KAREN MINASYAN
Քաղաքականություն
Ստանալ կարճ հղումը
196 0 0

ՌԴ արտգործնախարարության ներկայացուցիչ Մարիա Զախարովան հիշեցրել է Հայաստանի և Ադրբեջանի նախագահների պայմանավորվածությունների մասին։ Նա հույս ունի, որ նոր հանդիպումներն արդյունավետ կլինեն։

ԵՐԵՎԱՆ, 12 հուլիսի — Sputnik. Մոսկվան հույս ունի, որ Երևանն ու Բաքուն կհանգեն կոնկրետ պայմանավորվածությունների Լեռնային Ղարաբաղում լրացուցիչ դիտորդների հարցում։ Այդ մասին հայտարարել է ՌԴ ԱԳՆ ներկայացուցիչ Մարիա Զախարովան Մոսկվայում տեղի ունեցած ճեպազրույցում։

Նա հիշեցրել է, որ դեռ 2016թ-ին Վիեննայում և Սանկտ Պետերբուրգում կայացած հանդիպումների ընթացքում երկու երկրների նախագահները պայմանավորվել են, մասնավորապես, ավելացնել հակամարտության գոտում միջազգային դիտորդների թիվը։ Բացի այդ, նա նշել է, որ հետագա շփումների ընթացքում, այդ թվում՝ Կրակովում երկու երկրների արտգործնախարարների հանդիպումների ժամանակ քննարկվել է լրացուցիչ դիտորդների և նրանց տեղաբաշխման հարցը, սակայն կողմերը վերջնական որոշման չեն հանգել։

«Առաջիկայում տեղի կունենան նախարարների առաջին խորհրդակցությունները։ Այնուհետև մենք հույս ունենք, որ կկայանան նոր հանդիպումներ, որոնց ընթացքում կողմերը հնարավորություն կունենան քննարկելու ղարաբաղյան հակամարտության հարցերի լայն շրջանակ, ներառյալ` դիտորդների թեման», — հայտարարել է նա։

Հայաստանի և Ադրբեջանի ԱԳՆ ղեկավարներ Զոհրաբ Մնացականյանը և Էլմար Մամեդյարովը հանդիպել են հուլիսի 11-ին Բրյուսելում ԵԱՀԿ Մինսկի խմբի միջնորդությամբ և պայմանավորվել են առաջիկայում կրկին հանդիպել։

Ըստ թեմայի

Փաշինյանն արցախյան հակամարտության մասին կարևոր ուղերձ է հղել Բրյուսելում
Լաքոտը խոսել է բանակցային գործընթացում Արցախի մասնակցության մասին
Ֆրանսիան չի մատակարարի զենք, որը կարող է կիրառվել Արցախում. դեսպան
Ուժեղի զսպվածություն. արդյո՞ք Արցախի շուրջ բանակցություններում նոր փուլ է մեկնարկում
թեգերը:
Արցախ, Ռուսաստան, Հայաստան

Գլխավոր թեմաներ