09:12 18 փետրվարի 2019
Ուղիղ եթեր
  • USD487.51
  • GBP624.60
  • EUR550.11
  • RUB7.32
Սամվել Ֆարմանյան. ԱԺ պատգամավոր, ՀՀԿ

ՀՀԿ-ն ընդդիմության դերի մեջ է մտնում. բուժկենտրոնի աշխատակիցները վաղը նորից կհավաքվեն

© Sputnik / Aram Nersesyan
Քաղաքականություն
Ստանալ կարճ հղումը
361 0 0

Պահանջում են, որ ՀՀ առողջապահության նախարարը դուրս գա ու նրան սուտասան են անվանում։ Նախարար Թորոսյանը համացանցով է պատասխանում, բայց ոչ պակաս կտրուկ։

ԵՐԵՎԱՆ, 27 հուլիսի — Sputnik. «Գրիգոր Լուսավորիչ» բժշկական կենտրոնի աշխատակցները բողոքում են հիվանդանոցի բակում ու պահանջում են, որ նախարարը գա հանդիպման։

Այսօր ՀՀ առողջապահության նախարարը հայտնել էր, որ կենտրոնի տնօրեն Արա Մինասյանն ազատվել է  աշխատանքից հափշտակությունների ու խախտումների համար։

Ավելի վաղ նախարարը հայտնել էր, որ առողջապահության նախարարության ստուգումների արդյունքում այդ պետական հիվանդանոցում բյուջետային միջոցների հափշտակություն է հայտնաբերել։

«Այդ դեպքում մեզ բոլորիս որպես հանցակից դատեք։ Անհեթեթություն է։ Զննում անցած բոլոր մարդիկ իրական մարդիկ էին, թող ոչ ոք չկասկածի», – լրագրողներին ասաց ճառագայթային ախտորոշման բաժնի պետ Արման Գրիգորյանը։

Նա անհեթեթության գագաթնակետ է  համարում լուրերն այն մասին, որ ցույցի դուրս եկած բուժաշխատողներին կաշառել են։

«Բոլորն այստեղ են` բժիշկներն էլ, հասարակ սանիտարներն էլ։ Եթե տնօրենին փոխեն, նրանց ոչ ոք չի կպնի։ Ուրեմն ինչու՞ են նրանք դուրս եկել։ Նրանց է՞լ են կաշառել», – հավելեց Գրիգորյանը։

Կրակին յուղ լցրեց նաև Հանրապետական կուսակցության պատգամավոր Սամվել Ֆարմանյանը։

«Առողջապահության նախարարության ստուգումների ժամանակ սկզբում երկու միլիարդ դրամ էին գտել, հետո` մեկուկես։ Իսկ եթե մինչև վերջ ազնիվ հետաքննեն, կարող է պարզվել, որ ոչ մի խախտում էլ չի եղել։ Իսկ ներկայիս նախարարը ստահոդ հիմնավորումների վարպետ է։ Լսեք միայն նրա հիմնավորումներն այն մասին` ինչու նա բանակում չի ծառայել», – հայտարարել  է  Ֆարմանյանը։

Նշենք, որ սա ավելի քան 20 տարվա ընթացքում առաջին ցույցն է, որտեղ հանրապետականները որպես ընդդիմություն են ներկայանում։

Նախարարն այդպես էլ հավաքվածների մոտ չի եկել, սակայն իր գրասենյակից Facebook–ով ուղիղ եթեր է դուրս եկել։ Նախարարը հայտնել է, որ ցույցերը չեն օգնի։ Արա Մինասյանին գործից ազատելու մասին որոշումը վերջնական է։

Նա ցուցարարներին «քրեածին տարրեր» է անվանել, որոնք վախենում են, որ «իրենց բանդայի ղեկավարին» պաշտոնից կզրկեն։

Պետական գումարները յուրացնողները արդարացում չունեն ու չեն ունենա։ Նախարարն իր խոսքը եզրափակեց «վիշապը պետք է գլխատվի» նախադասությամբ:

թեգերը:
Երևան, Հայաստան

Գլխավոր թեմաներ