01:12 20 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Սասուն Խաչատրյան. Հատուկ քննչական ծառայության պետը Հանրային հեռուստաընկերության եթերում

ՀՔԾ պետի ասածը թյուրիմացություն է եղել. Քոչարյանի պաշտպանների բողոքը կքննվի երեքշաբթի

Youtube/ Armenian Public TV
Քաղաքականություն
Ստանալ կարճ հղումը
Ռոբերտ Քոչարյանի գործը (329)
45502

Քոչարյանի կալանավորման որոշման բողոքարկման դիմումը Վերաքննիչ դատարանը մինչև երեքշաբթի չի քննի:

ԵՐԵՎԱՆ, 4 օգոստոսի — Sputnik. Սասուն Խաչատրյանը երեկ Հանրային հեռուստաընկերությանը տված հարցազրույցում թյուրիմացաբար է ասել, թե Վերաքննիչ դատարանը այսօր կքննի Ռոբերտ Քոչարյանի խափանման միջոցը փոխելու հարցը:

Այս մասին այսօր լրագրողներին ասաց ՀՀ երկրորդ նախագահի փաստաբաններից Հայկ Ալումյանը:

«Երեկ ՀՔԾ պետի կողմից թյուրիմացաբար տեղեկատվություն հնչեցվեց, իբրև Վերաքննիչ դատարանը մեր բողոքը քննելու է այսօր: Այդպիսի բան չկա, երկուշաբթի օրը դեռևս բողոքարկման օր է, և առնվազն մինչև երեքշաբթի բողոքը չի քննվելու»,- պարզաբանեց նա:

Փաստաբանն ասաց նաև, որ ինքը պատրաստվում է երկուշաբթի նաև իր կողմից բողոք ներկայացնել Վերաքննիչ դատարան, իսկ բողոքը վարույթ չընդունելու հիմք դատարանը չունի:

«Որպես կանոն՝ Վերաքննիչն ընդունում է վարույթ, եթե ձևական առումով չկա որևէ խախտում: Վարույթ ընդունելու որոշում չունենք, բայց չունենք նաև հակառակ որոշում: Երկուշաբթի օրը ես պատրաստվում եմ նաև իմ կողմից ներկայացնել վերաքննիչ բողոք. ուղղակի իմ տեսակետն եմ ուզում ներկայացնել առաջին ատյանի դատարանի որոշման դեմ»,- այսօր հրավիրված մամուլի ասուլիսում հայտնեց Ռոբերտ Քոչարյանի փաստաբան Հայկ Ալումյանը:

թեմա:
Ռոբերտ Քոչարյանի գործը (329)
թեգերը:
Ռոբերտ Քոչարյան, Հայաստան

Գլխավոր թեմաներ