21:15 18 հոկտեմբերի 2018
Ուղիղ եթեր
  • USD483.48
  • GBP634.62
  • EUR557.16
  • RUB7.38
Դավիթ Տոնոյան

Դավիթ Տոնոյանն ու Սերգեյ Շոյգուն հանդիպել են Մոսկվայում. ինչ հարցեր են քննարկել նրանք

© Sputnik / Asatur Yesayants
Քաղաքականություն
Ստանալ կարճ հղումը
51010

Պաշտպանության նախարարը Ռուսաստան կատարած այցի ժամանակ կարևոր հարցեր է քննարկել գործընկերոջ հետ։

ԵՐԵՎԱՆ, 11 օգոստոսի — Sputnik. ՀՀ պաշտպանության նախարար Դավիթ Տոնոյանը Մոսկվա կատարած այցի շրջանակում օգոստոսի 11-ին պաշտոնական հանդիպում է ունեցել ՌԴ պաշտպանության նախարար, բանակի գեներալ Սերգեյ Շոյգուի հետ։ Facebook սոցիալական ցանցում այս մասին գրել է ՊՆ մամուլի քարտուղար Արծրուն Հովհաննիսյանը։

Հանդիպման ընթացքում քննարկվել են հայ- ռուսական երկկողմ ռազմաքաղաքական, ռազմական և ռազմատեխնիկական համագործակցության ընթացիկ խնդիրներն ու առաջիկա անելիքները։ Կողմերն անդրադարձել են նաև միջազգային կազմակերպությունների, մասնավորապես՝ ՀԱՊԿ- ի շրջանակներում համատեղ ծրագրերին։

Անդրադառնալով Հարավային Կովկասում, Մերձավոր Արևելքում և ՀԱՊԿ պատասխանատվության գոտում տիրող իրավիճակին, երկու երկրների պաշտպանության նախարարները կարևորել են փոխադարձ վստահության և համատեղ ռազմավարական դաշնակցային շահերի վրա հիմնված պայմանավորվածությունների հետևողական կյանքի կոչումը։

Տոնոյանն իր գործընկերոջն է ներկայացրել արցախա-ադրբեջանական ուժերի շփման գծում և հայ- ադրբեջանական պետական սահմանին, մասնավորապես՝ նախիջևանյան ուղղությամբ տիրող իրավիճակը։ Իր հերթին հայկական կողմի խնդրանքով ՌԴ պաշտպանության նախարարը ներկայացրել է Սիրիայում տիրող օպերատիվ և հումանիտար իրավիճակը։

Տոնոյանը վերահաստատել է Հայաստանի Հանրապետության կողմից Սիրիայի ժողովրդին տեղում համակողմանի մարդասիրական մասնագիտական օժանդակություն ցուցաբերելու մտադրությունը։

Խոսելով ռազմատեխնիկական համագործակցության խնդիրների շուրջ` ՀՀ և ՌԴ պաշտպանության նախարարները կարևորել են այս ոլորտում առկա ծրագրերի ժամանակին իրականացումը։

Հանդիպմանը ՀՀ պաշտպանության նախարարն իր գործընկերոջը շնորհակալություն է հայտնել նաև Համաբանակային խաղերի փայլուն կազմակերպման համար և շնորհավորել ՌԴ ԶՈՒ թիմերի գերազանց ելույթների կապակցությամբ։

Ըստ թեմայի

Դավիթ Տոնոյանը ռազմատեխնիկական համագործակցության հարցեր է քննարկել ՌԴ-ում
Դավիթ Տոնոյանը ԵԱՀԿ ՄԽ համանախագահների հետ քննարկել է սահմանային լարվածության թեման
Տոնոյանը ՀՀ–ում ՌԴ ներկայացուցիչների հետ քննարկել է ռազմական համագործակցության խնդիրներ
թեգերը:
Դավիթ Տոնոյան, Ռուսաստան, Հայաստան

Գլխավոր թեմաներ