08:57 28 հունվարի 2020
Ուղիղ եթեր
  • USD478.87
  • GBP626.79
  • EUR528.43
  • RUB7.75
Քաղաքականություն
Ստանալ կարճ հղումը
30820

ՀՀ երկրորդ նախագահը կարծում է, որ իր հանդեպ հարուցած քրեական գործը քաղաքական վենդետա է։ Նա հայտարարել է, որ պայքարելու է մինչև վերջ։

ԵՐԵՎԱՆ, 28 օգոստոսի — Sputnik. ՀՀ երկրորդ նախագահ Ռոբերտ Քոչարյանը Հայաստան վերադառնալիս հույս ուներ, որ դատական համակարգն ազատ է։ Այս մասին նա ասել է ՆՏՎ հեռուստաալիքին տված հարցազրույցում` մեկնաբանելով իր դեմ հարուցած քրեական գործը։

«Ես վերադարձա հստակ հասկանալով, որ ինձ կարող են ձերբակալել։ Ակնհայտ է, որ իմ տիպի մարդիկ բարդություններից չեն խուսափում։ Բայց միևնույնն է հույս ունեի, որ դատաիրավական համակարգը մինչև վերջ ենթակա չէր գործադիր իշխանությանը, ու որ դատարանները ինչ–որ չափով ինքնուրույն են», – նշել է երկրի նախկին նախագահը։

Նա հավելել է, որ եկել է իր արժանապատվության համար պայքարելու։ Քոչարյանը վստահ է, որ քրեական գործը շինծու է։ Ավելին` նա կարծում է, որ այնտեղ «ընդհանրապես քրեական գործ չկա», և որ խոսքը քաղաքական վենդետայի մասին է։

«Ինձ սահմանադրական կարգի տապալման մեղադրանք է առաջադրվել։ Պատկերացնու՞մ եք։ Պարզվում է` նախագահը, որը որպես սահմանադրության երաշխավոր զբաղեցնում է այդ պաշտոնը, ինքն իրեն է տապալել… Դա վկայում է այն մասին, որ խոսքը ոչ թե պարզապես քրեական գործի, այլ քաղաքական վենդետայի մասին է», – ավելացրել է Քոչարյանը։

Նրա համար անհասկանալի է` ինչու 10 տարի հետո միայն նա է թիրախ դարձավ։ Քոչարյանի կարծիքով` 10 տարի անց իշխանության եկան մարդիկ, ովքեր զանգվածային անկարգություններ էին կազմակերպել, ովքեր դատվել էին զանգվածային անկարգությունները կազմակերպելու համար։

«Այդ պատճառով խոսում եմ քաղաքական վենդետայի մասին։ Այսինքն` տասը տարի անց իշխանության եկան մարդիկ, ովքեր պարտվել էին ընտրություններում։ Ու հիմա նրանք մտածում են միայն այն մասին` ինչպես վրեժ լուծել այն մարդկանցից, որոնց նրանք թշնամի են համարում», – ամփոփել է ՀՀ 2–րդ նախագահը։

Հիշեցնենք` Ռոբերտ Քոչարյանը 2008 թվականի «Մարտի 1-ի» քրեական գործով մեղադրվում է սահմանադրական կարգը տապալելու մեջ: Հուլիսի 27-ին Երևանի ընդհանուր իրավասության դատարանը նրա նկատմամբ խափանման միջոց էր ընտրել կալանավորումը:

Oգոստոսի 13-ին ՀՀ վերաքննիչ դատարանն ազատ արձակեց ՀՀ երկրորդ նախագահ Ռոբերտ Քոչարյանին` հայտարարելով, որ բավարարում է պաշտպանների բողոքը, վերացնում է առաջին ատյանի դատարանի որոշումը` հաշվի առնելով, որ Ռոբերտ Քոչարյանն անձեռնմխելի է, և նրա գործողությունները բխել են իր լիազորություններից։

ՀՔԾ պետը Սասուն Խաչատրյանն ավելի ուշ «ապօրինի» որակեց Քոչարյանին ազատ արձակելու որոշումը, հույս հայտնեց, որ Գլխավոր դատախազությունը կբողոքարկի այն, և Ռոբերտ Քոչարյանը դարձյալ կհայտնվի անազատության մեջ, որպեսզի «չկարողանա խոչընդոտել» գործի քննությունը:

Ըստ թեմայի

Քոչարյանի ունեցվածքի ցանկը կհրապարակեն, 2-րդ նախագահը նոր հարցազրույց է տվել. «Հրապարակ»
Բիլզերյանը ճաշում է Ռոբերտ Քոչարյանի որդու հետ. լուսանկարներ
Ռոբերտ Քոչարյանի` քաղաքականություն վերադառնալու սցենար չի կարող լինել. Փաշինյան
Ռոբերտ Քոչարյանի գործի մասին խոսեց արդարադատության նախարարը
Ռոբերտ Քոչարյանի տապալված ասուլիսի վերաբերյալ բողոքներ չենք ստացել. Օսիպյան
Ռոբերտ Քոչարյանի առանձնատունն ու գրասենյակը խուզարկել են
թեգերը:
Ռոբերտ Քոչարյան, Հայաստան

Գլխավոր թեմաներ