08:01 24 հուլիսի 2019
Ուղիղ եթեր
  • USD476.13
  • GBP592.26
  • EUR532.17
  • RUB7.54
«Ելք» դաշինքի պատգամավորները ԱԺ–ում

Երևանի քաղաքապետի ընտրությունը բացառիկ է. ընդդիմություն չկա. քաղտեխնոլոգ

© Sputnik / Asatur Yesayants
Քաղաքականություն
Ստանալ կարճ հղումը
Երևանի ավագանու ընտրություններ 2018 (109)
166 0 0

Երևանի ավագանու ընտրությունն ԱԺ արտահերթ ընտրության նախաշեմին որոշակի ստուգատես է լինելու, դրանք որոշ չափով կձևավորեն ներքաղաքական ուժերի դասավորվածությունը։

ԵՐԵՎԱՆ, 31 օգոստոսի — Sputnik. Երևանի ավագանու առաջիկա ընտրությունը բացառիկ է նախևառաջ նրանով, որ մասնակիցների շարքում վառ արտահայտված ընդդիմադիր ուժեր չկան։ Այս մասին այսօր հրավիրված մամուլի ասուլիսի ժամանակ ասաց քաղտեխնոլոգ Վիգեն Հակոբյանը։

Քաղաքապետի ընտրություններին մասնակցող բոլոր կուսակցություններն ու դաշինքները կա՛մ իշխանության մաս են կազմում, կա՛մ աջակցում են իշխանությանը։ Այսօր միակ ընդդիմությունը ՀՀԿ-ն է, որը, ինչպես հայտնի է, ընտրություններին չի մասնակցում։

«Իշխանության հետ ասոցացվող բոլոր ուժերի և իշխանության հիմնական մարտավարությունը լինելու է այն, որ թիրախ են ընտրելու նախկին իշխանություններին, ասելու են, որ թալանում էին ու վատ էին կառավարում։ Հիմնականում փորձելու են ինչ-ինչ նյուանսների, առավելապես ծրագրային դրույթների շուրջ բանավեճեր անել», — ասաց Հակոբյանը։

Այս ընտրությունները, նրա կարծիքով, ԱԺ արտահերթ ընտրությունների նախաշեմին որոշակի ստուգատես է լինելու, որոնք որոշ չափով կձևավորեն ներքաղաքական ուժերի դասավորվածությունը։ Վերջին պնդմանը համաձայն չէ ընտրական տեխնոլոգիաների գծով փորձագետ Արմեն Բադալյանը։ Նա կարծում է, որ խորհրդարանական ընտրություններին դեռ մի քանի ամիս կա, և այդ ընթացքում կարող են զգալի փոփոխություններ լինել։

Նրա խոսքով` մինչև 2019 թվականի ապրիլ (ԱԺ արտահերթ ընտրությունների նախնական ժամկետ) հեղափոխական էյֆորիան զգալի կնվազի` ի տարբերություն քաղաքապետի ընտրությունների։

«Եվ եթե այժմ ՀՀԿ-ն հրաժարվել է մասնակցել քաղաքապետի պաշտոնի համար մղվող պայքարին, ապա դա չի նշանակում, որ այդ կուսակցությունը կհրաժարվի մասնակցել ԱԺ ընտրություններին։ Պետք չէ անտեսել նաև երկրորդ նախագահ Ռոբերտ Քոչարյանի գործոնը, որն արդեն հայտարարել է ԱԺ ընտրություններին մասնակցելու մասին», — ասաց Բադալյանը։

Նա նաև անխուսափելի է համարում արտաքին ուժերի` Ռուսաստանի, ԵՄ-ի և գուցե ԱՄՆ-ի միջամտությունը ԱԺ ընտրություններին։

Ինչ վերաբերում է քաղաքապետի ընտրությանը, փորձագետը կարծում է, որ առաջին տեղը կզբաղեցնի վարչապետ Նիկոլ Փաշինյանի «Քաղաքացիական պայմանագիր» կուսակցությունը, որը «Առաքելություն» կուսակցության հետ կազմել է «Իմ քայլը» դաշինքը։ Երկրորդ տեղը, ըստ Բադալյանի, «Բարգավաճ Հայաստանինն» է` հաշվի առնելով նրա ոչ վատ վարկանիշը։ Երրորդը, նրա կարծիքով, Փաշինյանի նախկին դաշնակիցներ են լինելու` «Բարգավաճ Հայաստանն» ու «Հանրապետությունը», որոնք հանդես են գալու «Լույս» դաշինքով։ Ավագանի անցնելու համար 6 տոկոսի շեմը կհաղթահարի նաև ՀՅԴ-ն` հաշվի առնելով այդ կուսակցության համեմատաբար կայուն ընտրազանգվածը։ Մյուս մասնակիցները, Բադալյանի կարծիքով, լուրջ հնարավորություններ չունեն, և, ըստ ամենայնի, նրանց համար կարևորը մասնակցությունն է։

Հիշեցնենք, որ Երևանի ավագանու արտահերթ ընտրությունը կկայանա 2018թ-ի սեպտեմբերի 23-ին։ Ընտրությանը կմասնակցեն 3 դաշինք և 9 կուսակցություն։

թեմա:
Երևանի ավագանու ընտրություններ 2018 (109)

Ըստ թեմայի

ՀՀ գլխավոր դատախազությունը նախապատրաստվում է Երևանի ավագանու ընտրություններին
Որոշել են` ով կլինի քաղաքապետի թեկնածուն. ՕԵԿ–ը կմասնակցի Երևանի ավագանու ընտրություններին
Լևոն Տեր–Պետրոսյանը «ձեռքերը լվանում է».ՀԱԿ–ը չի մասնակցի Երևանի ավագանու ընտրություններին
ՀՅԴ–ն կողմնորոշվեց Երևանի քաղաքապետի թեկնածուի հարցում. ո՞վ է նա
Ինչու է Արտակ Զեյնալյանը որոշել Երևանի քաղաքապետ դառնալ
«Ժառանգությունն» առաջադրեց Երևանի քաղաքապետի իր թեկնածուին. տեսանյութ
Երևանի քաղաքապետի թեկնածուների թիվն ավելացավ ևս մեկով. լուսանկար
Երևանի նախկին քաղաքապետներն ընտրությունների նախաշեմին
թեգերը:
Երևանի ավագանու ընտրություններ, Հայաստան

Գլխավոր թեմաներ