22:16 20 հունիսի 2019
Ուղիղ եթեր
  • USD477.53
  • GBP607.42
  • EUR539.80
  • RUB7.55
Էջմիածին

Ովքե՞ր կպայքարեն Էջմիածնի քաղաքապետի աթոռի համար. Թեկնածուի պակաս չկա. «Հրապարակ»

© Sputnik / Асатур Есаянц
Քաղաքականություն
Ստանալ կարճ հղումը
139 0 0

Թերթը գրում է, որ Էջմիածնում քաղաքապետի թեկնածուների մոտ 2 տասնյակ անուն է շրջանառվում։

ԵՐԵՎԱՆ, 6 սեպտեմբերի — Sputnik. Էջմիածնում հոկտեմբերի 21-ին կայանալիք քաղաքապետի արտահերթ ընտրությունները թեկնածուաշատ կլինեն։ Մեկնարկը դեռ տրված չէ, սակայն մոտ 2 տասնյակ թեկնածուի անուն է շրջանառվում։ Այս մասին գրում է «Հրապարակ» թերթը։

Ըստ պարբերականի` Էջմիածնի նախկին փոխքաղաքապետ Վազրիկ Գրիգորյանին, որ ժամանակին Գրիգորյանների մտերիմն էր և քաղաքապետարանի «ուղեղը», այժմ ուզում է պաշտպանել Դոն Պիպոյի թիմը։

Շրջանառվում է նաև «Յունիբանկի» Էջմիածնի մասնաճյուղի տնօրենի անունը, Էջմիածնի քաղաքապետի նախկին թեկնածու Թամարա Թադևոսյանի, որը հայտնի է որպես «բոևիկ կին» և հարում է ԲՀԿ-ին։ Ի դեպ, ԲՀԿ-ն այս քաղաքում մոտ 5-6 հավակնորդ ունի, բայց չի բացառվում, որ կուսակցության ընտրությունը կանգ առնի Սուսաննա Նազարյանի թեկնածության վրա՝ Դաշտ գյուղի միջնակարգ դպրոցի տնօրենի: Նա հայտնի է նրանով, որ Էջմիածնի թիվ 2 միջնակարգ դպրոցի տնօրեն աշխատած ժամանակ սուր հակասության մեջ էր այն ժամանակվա կրթության նախարար Արմեն Աշոտյանի հետ և ի վերջո՝ դատական կարգով, հասավ իր աշխատանքից ազատման հրամանի չեղարկմանը։

Հավակնորդների շարքում են նաև «ԱրմենՏել» ընկերության Էջմիածնի մասնաճյուղի նախկին տնօրեն Սամվել Մուրադյանը, գործարար Ժորա Նավասարդյանը, նա կաթողիկոսի բարեկամն է։

Քաղաքապետ դառնալու ցանկություն է ունեցել նաև ՀՅԴ խմբակցության անկուսակցական պատգամավոր Անդրանիկ Կարապետյանը՝ «հայու գենի» պահպանման ջատագովը, սակայն նա Մանվել Գրիգորյանի սանիկն է։ Որոշ տեղեկություններով, Կարապետյանը հաշվարկել է, որ այդ փաստն ընտրություններում հաղթանակի շանս չի թողնի իրեն։ Սակայն երեկ թերթի հետ զրույցում ասել է, որ քաղաքապետ դառնալու հավակնություններ չունի, և դա գեներալի քավորության պատճառով չէ։

Ըստ թեմայի

Կրակոցներ Արմավիրում. Էջմիածնի քաղաքապետարանի մոտ վիճաբանությունն ավարտվել է կրակոցներով
Էջմիածնի քաղաքապետի պաշտոնակատար Դիանա Գասպարյանին դատի են տվել. «Ժողովուրդ»
Մեր քաղաքի բամբասանքները․ ինչպես է Էջմիածնի քաղաքապետը վախեցրել փեսացուներին
«Փորձեք մարսել այս թվերը». Էջմիածնի քաղաքապետն ապշած է քաղաքում կատարված չարաշահումներից
Մանվել Գրիգորյանին զրկեցին Էջմիածնի պատվավոր քաղաքացու կոչումից

Գլխավոր թեմաներ