ԵՐԵՎԱՆ, 6 սեպտեմբերի — Sputnik. ՀՀ վարչապետ Նիկոլ Փաշինյանն այսօր որոշում է կայացրել արդարադատության նախարար Արտակ Զեյնալյանին 2018 թվականի սեպտեմբերի 10-24-ը չվճարվող արձակուրդ տրամադրելու մասին։ Հայտնում է ՀՀ կառավարության պաշտոնական կայքը։
«Արտակ Զեյնալյանի արձակուրդում գտնվելու ընթացքում արդարադատության նախարարին կփոխարինի արդարադատության նախարարի առաջին տեղակալ Արթուր Հովհաննիսյանը»,– ասված է որոշման մեջ։
Զեյնալյանի երկշաբաթյա արձակուրդը պայմանավորված է Երևանի ավագանու ընտրությունների քարոզարշավին մասնակցելու հանգամանքով։
Արտակ Զեյնալյանը գլխավորում է «Լույս» դաշինքը և հանդես է գալիս որպես այդ քաղաքական ուժի Երևանի քաղաքապետի թեկնածու։
