10:02 18 սեպտեմբերի 2019
Ուղիղ եթեր
  • USD476.10
  • GBP590.36
  • EUR524.47
  • RUB7.42
Հովիկ Աբրահամյան

Հովիկ Աբրահամյանը չի կարող հեռանալ Հայաստանից. նա գրառում է արել Facebook–ում

© Sputnik / Asatur Yesayants
Քաղաքականություն
Ստանալ կարճ հղումը
18401

ՀՀ ազգային ժողովի նախկին նախագահը վստահ է, որ ՀՀ իշխանությունների կողմից իրականացվող «մարդաորսը», ազատ խոսքի ու այլակարծության ճնշմանն ուղղված գործողությունները լավ հանգրվան չեն ունենալու։

ԵՐԵՎԱՆ, 8 սեպտեմբերի — Sputnik. Մոտ մեկ ամիս առաջ մի խումբ դիմակավորված անձինք իբր օպերատիվ տեղեկությունների հիման վրա ներխուժեցին ինձ և ազգականներիս պատկանող բնակարաններ և շինություններ: Facebook սոցիալական ցանցում գրել է ՀՀ ազգային ժողովի նախկին նախագահ Հովիկ Աբրահամյանը։

«Ո՛չ իմ փաստացի բնակության, և ո՛չ էլ հաշվառման վայրերում իրականացված խուզարկության արդյունքում որևէ անօրինական առարկա չհայտնաբերվեց, սակայն չնայած դրան իրավապահներն առգրավեցին իմ անձնագիրը՝ կոպտորեն խախտելով ՀՀ օրենսդրությունը»,- գրել է նա:

Աբրահամյանը նշել է նաև, որ խուզարկություն կատարվեց Մխչյանի մեխանիկական գործարանի տարածքում։

«Նախ հրապարակայնորեն փորձ արվեց տարածքը կապել իմ անվան հետ, իսկ այդուհետ՝ այդ տարածքում հայտնաբերված զենքերը կապել Մարտի 1-ի հետ: Ակնհայտ է, որ փաստերի նման շղթայական խեղաթյուրման թիրախը ես էի: Թերևս դա է պատճառը, որ առ այսօր հրապարակված չեն փորձաքննության արդյունքները»,- ընդգծել է Աբրահամյանը:

ԱԺ նախկին խոսնակը հիշեցրել է, որ 2018թ.-ի սեպտեմբերի 4-ին կայքերից մեկին տված հարցազրույցում քննադատել է ՀՀ իշխանությունների այդ գործելաոճը:

«Ի պատասխան դրա, հարցազրույցից ընդամենը մեկ օր անց ծանուցում ստացա՝ մեկ այլ քրեական գործով որպես վկա ՀՀ հատուկ քննչական ծառայություն հրավիրվելու մասին: ՀՔԾ-ում ինչ-որ շինծու քրեական գործով ինձ նախ հարցաքննեցին որպես վկա, ապա դրանից անմիջապես հետո անհիմն մեղադրանք առաջադրեցին և ստորագրություն վերցրեցին՝ երկրից չհեռանալու մասին: Զավեշտալի է, երբ ոչ ականջահաճո հարցազրույցից հետո մարդուն հրավիրում են ՀՔԾ, ակնհայտ կեղծ մեղադրանք առաջադրում՝ նպատակ ունենալով լռեցնել ցանկացած այլակարծություն»,- գրել է նա:

Աբրահամյանն այս պահին նպատակահարմար չի համարել ավելին ասել։

«Առայժմ արձանագրեմ, որ ՀՀ իշխանությունների կողմից իրականացվող «մարդաորսը», ազատ խոսքի ու այլակարծության ճնշմանն ուղղված գործողությունները լավ հանգրվան չեն ունենալու»,- եզրափակել է նա:

Հիշեցնենք` ՀՀ քննչական կոմիտեն օգոստոսի 29-ին հաղորդագրություն էր տարածել` նշելով, որ Հովիկ և Ջոնիկ Աբրահամյանների ու Ալիկ Սարգսյանի անունները հայտնվել են նոր քրեական գործում։ «Ավազահատիկ» ՍՊ ընկերության տնօրենը հաղորդում է ներկայացրել` հայտնելով, որ Հովիկ և Ջոնիկ Աբրահամյաններն ու Ալիկ Սարգսյանը շուրջ 10 տարի առաջ փորձել են տիրանալ իր բիզնեսին։

Ըստ թեմայի

Հովիկ Աբրահամյանի եղբոր տանը գտած զենքն անհարմար վիճակի մեջ է դրել իրավապահներին. ԶԼՄ
Հովիկ և Ջոնիկ Աբրահամյանների ու Ալիկ Սարգսյանի անունները հայտնվել են նոր քրեական գործում
Հովիկ Աբրահամյանի դստերը դատի են տվել. «Ժողովուրդ»
Հովիկ Աբրահամյանի մեծահարուստ փեսան ազատվեց աշխատանքից. «Հրապարակ»
Հովիկ Աբրահամյանի վարորդի եղբորը մեղադրանք է առաջադրվել
Խուզարկություն է կատարվել Հովիկ Աբրահամյանի դստեր բնակարանում. «Հրապարակ»
Հովիկ Աբրահամյանի եղբայրը 2 ամսով կալանավորվեց
Հովիկ Աբրահամյանի եղբորը մեղադրանք է առաջադրվել
ՀՔԾ պետը` Հովիկ Աբրահամյանի մասին
ԱԱԾ անակնկալը չուշացավ. Հովիկ Աբրահամյանի եղբայրը բերման է ենթարկվել
թեգերը:
Հովիկ Աբրահամյան, Հայաստան

Գլխավոր թեմաներ