08:51 21 նոյեմբերի 2018
Ուղիղ եթեր
  • USD484.70
  • GBP622.16
  • EUR553.96
  • RUB7.38
Նիկոլ Փաշինյան

«Սա դավադրություն է Հայաստանի պետականության նկատմամբ». Փաշինյանը` գաղտնալսման մասին

© Sputnik / Asatur Yesayants
Քաղաքականություն
Ստանալ կարճ հղումը
ՀՀ վարչապետ Նիկոլ Փաշինյան (507)
40511

Վարչապետը հրամայեց ԱԱԾ-ին և Ոստիկանությանը զինաթափել օլիգարխների թիկնազորներն ու այդ մասին 2 ժամվա ընթացքում զեկուցել իրեն։

ԵՐԵՎԱՆ, 11 սեպտեմբերի — Sputnik. Սա դավադրություն է Հայաստանի պետականության նկատմամբ: ՀՀ ԱԱԾ տնօրենի և ՀՔԾ պետի հեռախոսազրույցի գաղտնալսումն ու հրապարակումն այսպես որակեց ՀՀ վարչապետ Նիկոլ Փաշինյանը՝ այսօր ելույթ ունենալով «Իմ քայլը» դաշինքի հանրահավաքին։

«Հանձնարարել եմ ԱԱԾ–ին, ոստիկանությանը ամենակարճ ժամանակահատվածում հայտնաբերել դավադրությունը կազմակերպածներին և նրանց ենթարկել ամենախիստ պատասխանատվության»,- ասաց վարչապետը:

Նիկոլ Փաշինյանը պատմեց, որ դեռևս երբ ինքը «Հայկական ժամանակ» օրաթերթի գլխավոր խմբագիր էր, թերթում հրապարակվել էր տեղեկություն, որ որոշ օլիգարխներ և պետական բարձրաստիճան պաշտոնյաների հետ կապ ունեցող մարդիկ ձեռք են բերել գաղտնալսման սարքեր և պետության հատուկ ծառայություններին զուգահեռ ստեղծել են հատուկ ծառայություններ պետության մեջ:

«Այդ բոլոր հատուկ ծառայությունները հայտնաբերվելու և ոչնչացվելու են: Բոլոր ապօրինի զինված խմբավորումները զինաթափվելու են, և ես այստեղից ԱԱԾ-ին և ոստիկանությանը հրահանգում եմ այս պահից իրականացնել ռեյդեր՝ բարձրաստիճան պաշտոնյաների թիկնազորներին պառկեցնել ասֆալտներին»,- հայտարարեց վարչապետը:

Նա հրամայեց ԱԱԾ-ին և Ոստիկանությանը զինաթափել օլիգարխների թիկնազորներն ու այդ մասին 2 ժամվա ընթացքում զեկուցել իրեն։

Նիկոլ Փաշինյանը, որ երկրից թալանված փողերը մինչև վերջին կոպեկ հետ է բերվելու։

Հիշեցնենք, որ այսօր համացանցում հայտնվել է Հայաստանի Ազգային անվտանգության ծառայության տնօրեն Արթուր Վանեցյանի և քննչական ծառայության պետ Սասուն Խաչատրյանի հեռախոսազրույցի ձայնագրությունը։

թեմա:
ՀՀ վարչապետ Նիկոլ Փաշինյան (507)

Ըստ թեմայի

Սասուն Խաչատրյանը Մարտի 1–ի գործով նոր բացահայտում արեց
Վանեցյանն ու Խաչատրյանը հրաժարական չեն տա. նրանք ասացին, թե ինչու
Վանեցյանն ու Խաչատրյանը մեկնաբանում են Խաչատուրովի գործի մասին իրենց խոսակցությունը
Գաղտնալսման բոլոր հանգամանքները կպարզվեն, մեղավորները կպատժվեն. Վանեցյան
Վանեցյանի ու Խաչատրյանի գաղտնալսումը շանտաժ է. Փաշինյան
թեգերը:
Երևանի ավագանու ընտրություններ, ՀՀ Ազգային Անվտանգության ծառայություն. ԱԱԾ, Սասուն Խաչատրյան, Հայկ Մարության, Արթուր Վանեցյան, Նիկոլ Փաշինյան, Հայաստան

Գլխավոր թեմաներ