01:10 22 նոյեմբերի 2018
Ուղիղ եթեր
  • USD484.29
  • GBP618.87
  • EUR551.32
  • RUB7.35
Էդուարդ Շարմազանով

«Մենք ի՞նչ կապ ունենք, ա՛յ եղբայր». Շարմազանովը` Փաշինյանին

© Sputnik / Asatur Yesayants
Քաղաքականություն
Ստանալ կարճ հղումը
Արթուր Վանեցյանի և Սասուն Խաչատրյանի սկանդալային ձայնագրությունը (38)
39510

Էդուարդ Շարմազանովն իր հարցերի պատասխանները Փաշինյանից չի լսել։ Նա դեռ սպասում է։

ԵՐԵՎԱՆ, 12 սեպտեմբերի — Sputnik. ԱԺ փոխնախագահ Էդուարդ Շարմազանովն իրեն հուզող հարցերի պատասխանները չի ստացել վարչապետ Նիկոլ Փաշինյանից։ Նա այդ մասին ասաց այսօր ԱԺ-ում լրագրողների հետ զրույցում` անդրադառնալով ԱԱԾ և ՀՔԾ ղեկավարների գաղտնազերծված հեռախոսազրույցի շուրջ Նիկոլ Փաշինյանի հայտարարությանը։

«Հարցերի պատասխաններ ես չլսեցի, ես լսեցի հարցերի մանիպուլյացիա Փաշինյանի կողմից, որը սկսեց գոռգոռալ մեզ վրա։ Մենք ի՞նչ կապ ունենք, ա՛յ եղբայր։ Ես երեկ լուրջ, կշռադատված ելույթ վարչապետից չեմ լսել։ Լսել եմ գոռգոռոց, միգուցե` պանիկա, որ գուցե ինքն էլ քաջ գիտակցում է, որ տեղի է ունեցել խայտառակություն, և փորձում է գնդակն ուղարկել ուրիշի դաշտ»,- ասաց նա։

Ինչ վերաբերում է օլիգարխների` անօրինական զենք-զինամթերք պահելու մասին հայտարարությանը, ԱԺ փոխնախագահը հիշեցրեց, որ նման դեպքերում օրենքով նախատեսված է զինաթափելու ընթացակարգ։

«Էդ երկու ժամը որ տվեցի՞ր, ո՞ւմ զինաթափեցին։ Երկու խեղճուկրակ «Նիվայի» վարորդի, որ բռնեցին, դա չի՞ եղել»,- ասաց նա։

Անդրադառնալով գաղտնալսումներին ու դրանց բովանդակությանը` ԱԺ փոխնախագահը նշեց, որ հարցն ունի երկու կողմ։ Առաջին խնդիրն անվտանգությունն է, քանի որ նույն հեռախոսակապով ՀՀ այլ քաղաքացիներ ու պաշտոնյաներ ամեն օր կապ են հաստատում միմյանց ու արտերկրի իրենց գործընկերների հետ, և երկրորդը` երկու պաշտոնյաների խոսակցության բովանդակությունն է, որը Շարմազանովը «խայտառակություն» որակեց։

«Ի՞նչ է նշանակում` դատավորին ասացի` ուզես, չուզես պետք է կալանք տաս, ի՞նչ է նշանակում`Խաչատուրովին պետք է «փակենք», ի՞նչ է նշանակում`ռուսների հետ մի կերպ բարիշել ենք, հլը մի փակեք, ի՞նչ է նշանակում`երկու օր կնստի, խելքը գլուխը կգա։ Այս հարցերի պատասխանն ո՞վ է տալու»,- ասաց Շարմազանովը` հավելելով, որ իր հարցադրումն ուղղում է ուղիղ վարչապետին ու ակնկալում է նրա պատասխանը։

Նրա խոսքով` Փաշինյանն իր ելույթով հայտարարեց քաղաքական տեռորի ժամանակաշրջանի սկիզբը:

«Դա վարչապետի ելո՞ւյթ էր: Ո՞ւմ վրա է մուննաթ գալիս, ի՞նչ կապ ունի Սերժ Սարգսյանը, ի՞նչ կապ ունի ՀՀԿ-ն, մյուս երեք ուժերը»,-ասաց Շարմազանովը:

Հիշեցնենք` երեկ երեկոյան, ԱԱԾ և ՀՔԾ ղեկավարների հեռախոսազրույցի գաղտնի ձայնագրության հրապարակումից հետո Դավիթաշենում հրավիրված նախընտրական հանրահավաքում վարչապետ Նիկոլ Փաշինյանը ԱԱԾ-ին և ոստիկանությանը հանձնարարեց «ռեյդ անել, օլիգարխներին, բարձրաստիճան պաշտոնյաներին, թիկնազորներին պառկեցնել ասֆալտին և զինաթափել» և 2 ժամվա ընթացքում զեկուցել իրեն։ Նա հայտարարեց, որ եթե գերատեսչությունները չկարողանան երկրում կարգուկանոն հաստատել, ապա ինքն անձամբ կհագնի «կամուֆլյաժն» ու կանի դա։

թեմա:
Արթուր Վանեցյանի և Սասուն Խաչատրյանի սկանդալային ձայնագրությունը (38)

Ըստ թեմայի

Վանեցյան–Խաչատրյան զրույցի հրապարակումը շատ վտանգավոր երևույթ է. Կոստանյան
Վանեցյանի և Խաչատրյանի սկանդալային խոսակցությունն ուսումնասիրել է օմբուդսմենը
Վանեցյանն ու Խաչատրյանը հրաժարական չեն տա. նրանք ասացին, թե ինչու
Գաղտնալսման բոլոր հանգամանքները կպարզվեն, մեղավորները կպատժվեն. Վանեցյան
Վանեցյանի ու Խաչատրյանի գաղտնալսումը շանտաժ է. Փաշինյան
թեգերը:
Սասուն Խաչատրյան, Արթուր Վանեցյան, Էդուարդ Շարմազանով, Նիկոլ Փաշինյան, Հայաստան

Գլխավոր թեմաներ