07:05 21 սեպտեմբերի 2018
Ուղիղ եթեր
  • USD482.44
  • GBP637.06
  • EUR564.60
  • RUB7.28
ՀՀ վարչապետ Նիկոլ Փաշինյանը

Հայաստանը կկարողանա պահպանել նախագահությունը ՀԱՊԿ-ում. Փաշինյան

© Sputnik / Asatur Yesayants
Քաղաքականություն
Ստանալ կարճ հղումը
10610

ՀՀ վարչապետ Նիկոլ Փաշինյանը պատասխանել է՝ ՀԱԿՊ գլխավոր քարտուղար Յուրի Խաչատուրովի գործի վերաբերյալ ԱԱԾ և ՀՔԾ պետերի հեռախոսազրույցը մեկնաբանելու պատգամավորների խնդրանքին:

ԵՐԵՎԱՆ, 12 սեպտեմբերի — Sputnik.  Կառավարությունը հիմքեր ունի կարծելու, որ Հայաստանը կպահպանի ՀԱՊԿ գլխավոր քարտուղարի պաշտոնը:

Այս մասին այսօր խորհրդարանում կառավարական ժամի ընթացքում ասաց ՀՀ վարչապետ Նիկոլ Փաշինյանը:

Նա նշեց, որ ՀԱՊԿ գլխավոր քարտուղար Յուրի Խաչատուրովը նշանակվել է  որպես Հայաստանի ներկայացուցիչ:

«Ռոտացիոն կարգով Հայաստանին նախագահության ժամկետ է հասնում, և ես հիմքեր ունեմ կարծելու, որ մենք կպահպանենք նախագահությունն այդ ժամանակահատվածի համար», — նշեց Փաշինյանը:

Վարչապետն արձագանքեց նաև ԱԱԾ և ՀՔԾ ղեկավարների՝ Խաչատուրովի վերաբերյալ երկխոսությունը պարզաբանելու խնդրանքին:

«Հայաստանի ԱԱԾ ղեկավարը Ժնևում էր գտնվում: Այնտեղ նա տեղեկացել է գործընկեր երկրների մտահոգության մասին: Որոշել է պարզել, թե ինչ է կատարվում, և զանգահարել Երևան՝ ՀՔԾ պետին:

Այդ խոսակցության մասին իմացա Սանկտ Պետերբուրգում, զանգահարեցի և ճշտեցի նրանից, թե արդյոք ամեն ինչ ընթանում է  նախապես ձեռք բերված պայմանավորվածությունների շրջանակում: Ես տեղեկությունը հաշվի առա և հայտնեցի այդ մասին ՀԱՊԿ-ի մեր գործընկերներին: Նախագահության վերաբերյալ որևէ խնդիր այստեղ չի առաջանում», — ասաց Փաշինյանը:

Հիշեցնենք, որ երեկ համացանցում հայտնվել էր Հայաստանի Ազգային անվտանգության ծառայության տնօրեն Արթուր Վանեցյանի և Հատուկ քննչական ծառայության պետ Սասուն Խաչատրյանի հեռախոսազրույցի ձայնագրությունը։

Արթուր Վանեցյանը և Սասուն Խաչատրյանը 8-րոպեանոց հեռախոսազրույցի ընթացքում քննարկում են Հայաստանի նախկին նախագահ Ռոբերտ Քոչարյանի կալանքը, ինչպես նաև ՀԱՊԿ գլխավոր քարտուղար Յուրի Խաչատուրովի և ՊՆ նախկին ղեկավար Միքայել Հարությունյանի դեմ հարուցված քրեական գործերը։

Հիշեցնենք նաև, որ այս երեքին մեղադրում են 2008թ-ի մարտի դեպքերի ժամանակ սահմանադրական կարգը տապալելու մեջ, որը հանգեցրել է 10 մարդու մահվան։

Վանեցյանը պատմում է հատուկ քննչական ծառայության ղեկավարին դատավորի հետ զրույցի մասին, որին հրահանգ է տրվել է ամեն գնով «նստեցնել» Քոչարյանին։ Այնուհետև անցնում են Խաչատուրովին։ ԱԱԾ պետն ասում է, որ ՀԱՊԿ գլխավոր քարտուղարին ոչ մի դեպքում չի կարելի ձեռք տալ, քանի որ Ռուսաստանի հետ հարաբերությունները փչացնելու վտանգ կա։

Ըստ թեմայի

Փաշինյան. «Պուտինի առաջարկով ծանոթացա Ալիևի հետ, պատրաստ եմ բանակցել»
Սկանդալային ձայնագրության արձագանքը. Փաշինյանն ասաց, թե ինչու Վանեցյանը պետք է զանգեր իրեն
Փաշինյանի՞ն էլ են գաղտնալսում. փորձագետը` պաշտոնյաների անհոգության մասին
թեգերը:
Հավաքական անվտանգության պայմանագիր կազմակերպություն (ՀԱՊԿ), Նիկոլ Փաշինյան, Հայաստան

Գլխավոր թեմաներ