14:21 20 նոյեմբերի 2019
Ուղիղ եթեր
  • USD476.98
  • GBP617.88
  • EUR527.92
  • RUB7.49
Նուբարաշենի աղբավայր

Ճանապարհներ պլաստիկից և կանաչապատ այգիներ. «Հայքի» ծրագիրն ուղղված է Երևանի զարգացմանը

© Sputnik / Asatur Yesayants
Քաղաքականություն
Ստանալ կարճ հղումը
Երևանի ավագանու ընտրություններ 2018 (109)
227 0 0

«Հայք» ազգայնական կուսակցության քաղաքապետի թեկնածուն առաջարկում է օպտիմալացնել քաղաքապետարանի աշխատակազմն ու դադարեցնել ոչ արդյունավետ ծրագրերի ֆինանսավորումը։

ԵՐԵՎԱՆ, 17 սեպտեմբերի — Sputnik. Երևանի ավագանու ընտրությունների նախընտրական արշավն ամենաթեժ շրջանում է։ Թեկնածուները տարբեր ձևեր են ընտրել քարոզարշավի համար։

Թեկնածուներից մեկը գերադասում է քայլել փողոցներով` աղաղակելով իր քաղաքական ուժի անունը։  Մյուսը մտադիր է գարեջուր խմել իր ընտրողների հետ։ Իսկ ահա «Հայք» ազգայնական կուսակցությունը կզրուցի ընտրողների հետ բակերում և այգիներում, կպատմի այն մասին, թե ինչպես կարելի է վերականգնել ազգային գաղափարախոսությունն ու զարգացնել քաղաքը։

Կուսակցության համամասնական ցուցակի առաջին համար և քաղաքապետի թեկնածու Գևորգ Հովսեփյանն առաջնային է համարում քաղաքի արդյունավետ կառավարման հարցը։ Ըստ նրա, անհրաժեշտ է օպտիմալացնել քաղաքապետարանի և վարչական շրջանների աշխատակազմերը, ինչպես նաև մի շարք կառույցներ, որոնք քաղաքապետարանին ծառայություններ են տրամադրում։ Փոխարինել համապատասխան որակավորում չունեցող և պաշտոնն ավելի քան 10 տարի զբաղեցնող աշխատակիցներին ավելի պրոֆեսիոնալ աշխատողներով։

«Քաղաքի բնակիչները բողոքում են, որ վարչական շրջանների վարչակազմի, համատիրությունների և այլ կազմակերպությունների աշխատակիցները շորթմամբ են զբաղվում և չափազանց կոպիտ վերաբերվում քաղաքացիների հետ։ Անհրաժեշտ է դադարեցնել այդ պրակտիկան», – ընդգծեց նա։

Կարևորությամբ երկրորդ հարց Հովսեփյանը համարում է ֆինանսների տնտեսումը։ Նա մտադիր է վերջ դնել ոչ արդյունավետ ծրագրերի և միջոցառումների իրականացման համար գումարներ ծախսելուն։ Դրա փոխարեն միջոցներն ուղղել քաղաքի կանաչապատմանը, զբոսայգիների և պուրակների բարեկարգմանը, հին շենքերի վերականգնմանը։ Բացի այդ, թեկնածուն մտադիր է սկսել մսի վերամշակման գործարանի կառուցմանն ուղղված աշխատանքները և լրջորեն զբաղվել աղբահանությամբ։

«Վերամշակված աղբը կարող ենք տարբեր նպատակների ծառայեցնել, սակայն ամենակարևորը՝ կարող ենք ճանապարհներ կառուցել պլաստիկի թափոններից։ Աշխարհում նման տեխնոլոգիաներ արդեն կան», – ասաց նա։

Քաղաքապետի թեկնածուն, ծրագրում է աշխուժացնել  քաղաքում մշակութային կյանքը։ Նրա կարծիքով,  անհրաժեշտ է պատասխանատու մարմինների հետ ազգային արժեքների քարոզ և երկրի մշակութային ժառանգության գովազդ սկսել։ Մասնավորապես նա կարևոր է համարում այն միջոցառումների անցկացումը, որոնք կհետաքրքրեն ոչ միայն երևանաբնակներին, այլև մայրաքաղաք ժամանած զբոսաշրջիկներին։

Հովսեփյանը մտադիր է Երևանին վերադարձնել նաև իր նախկին ճարտարապետական տեսքը։ Ըստ նրա` անհրաժեշտ է վերականգնել հին շենքերն ու վերջապես,  իրականացնել «Հին Երևան» նախագիծը, որը նախատեսում է վերականգնել մայրաքաղաքի՝ XIX դարի վերջի XX դարի սկզբի  ճարտարապետական տեսքը։

«Քաղաքում ոչինչ չի խոսում այն մասին, որ այն 2800 տարեկան է։ Դա ամոթալի է, քաղաքին անհապաղ պետք է վերադարձվի նրա դեմքը», – ասաց նա։

Հիշեցնենք, որ Ավագանու արտահերթ ընտրությունները տեղի կունենան սեպտեմբերի 23-ին։ Այնուհետև ավագանին քաղաքապետ կընտրի։ Ընտրություններին 12 քաղաքական ուժ է մասնակցում` 4 դաշինք և 8 կուսակցություն։

թեմա:
Երևանի ավագանու ընտրություններ 2018 (109)

Ըստ թեմայի

Երևանի քաղաքապետի թեկնածուն դիմել է ոստիկաններին. ինչպե՞ս է զարգացել պատմությունը
Տրամաբանությունը փոխվել է. ինչու՞ է ՀՅԴ–ն որոշել «ձեռքը վերցնել» Երևանի քաղաքապետի պաշտոնը
Տրանսպորտն ավելի վատն է միայն Սոմալիում. քաղաքապետի թեկնածուների դատարկ խոստումները
Հետհաշվարկը գնաց. մայրաքաղաքում մեկնարկել է մրցարշավը Երևանի քաղաքապետի աթոռի համար
թեգերը:
Հայաստան

Գլխավոր թեմաներ