16:50 22 հուլիսի 2019
Ուղիղ եթեր
  • USD476.18
  • GBP593.70
  • EUR534.18
  • RUB7.56
Ընտրություններ

Հարուցվել է քրեական գործ ԲՀԿ–ի Աջափնյակի նախընտրական շտաբում տեղի ունեցած դեպքով

© Sputnik / Asatur Yesayants
Քաղաքականություն
Ստանալ կարճ հղումը
24621

«Բարգավաճ Հայաստան» կուսակցության անդամները մեղադրվում են իշխանության ներկայացուցչի նկատմամբ բռնություն գործադրելու համար։

ԵՐԵՎԱՆ, 23 սեպտեմբերի — Sputnik. ՀՀ քննչական կոմիտեն քրեական գործ է հարուցել «Բարգավաճ Հայաստան» կուսակցության նախընտրական շտաբում տեղի ունեցած դեպքով։ Այս մասին հայտնում է ՔԿ պաշտոնական կայքը։

2018թ.-ի սեպտեմբերի 22-ին, ժամը 18:00-ի սահմաններում ոստիկանությունը «Բարգավաճ Հայաստան» կուսակցության Բաշինջաղյան փողոցի 188/5 հասցեում տեղակայված նախընտրական շտաբում դեպքի վայրի զննություն է կատարել, որի ընթացքում քրեական հետախուզության բաժանմունքի օպերլիազորները ծառայություն են իրականացրել շտաբի մուտքի դռան մոտ՝ արգելելու համար քաղաքացիների մուտքը տարածք:

Սակայն, ոստիկանության տվյալներով, ժամը 19:10-ին, երբ զննության արձանագրությունը ծանոթացման համար ներկայացվել է մասնակիցներին, շտաբի պետ Գ.Գ-ն դռների մոտ հավաքված քաղաքացիներին կոչ է արել ներխուժել շտաբ, ջարդուփշուր անել ամեն ինչ և վերցնել դեպքի վայրի զննությամբ վերցված տեսախցիկների տեսագրման սարքը:

Պաշտոնական հաղորդագրության համաձայն` Գ.Գ.-ն, քաշքշուկ հրահրելով, վնասել է մուտքի դռան փեղկը՝ այդկերպ հնարավորություն ընձեռելով դրսում գտնվող 30-40 մարդու ներս մտնել։ Ներկաները, հրելով և քաշքշելով, բռնություն են գործադրել ոստիկանության աշխատակիցների նկատմամբ, ինչը զուգորդվել է հայհոյանքներով և բղավոցներով:

Դեպքի առթիվ հարուցվել է քրեական գործ՝ ՀՀ քրեական օրենսգրքի 316-րդ հոդվածի 1-ին մասով, այն է` Իշխանության ներկայացուցչի նկատմամբ բռնություն գործադրելը:

Հիշեցնենք` երեկ երեկոյան ԲՀԿ շտաբից ԱԺ «Ծառուկյան» խմբակցության պատգամավորները ուղիղ հեռարձակման միջոցով պարբերաբար տեղեկացնում էին, որ իրենց գրասենյակից քաղաքացիներ են բերման ենթարկվել ոստիկանություն, ոստիկանությունը շրջափակել է շտաբը և խուզարկություն է իրականացնում:

ԲՀԿ քաղաքապետի թեկնածու Նաիրա Զոհրաբյանն էլ հայտնել էր, որ ոստիկանությունը կեղծ ահազանգ է ստացել այն մասին, որ ԲՀԿ շտաբում կաշառք է բաժանվում։

Ըստ թեմայի

Դժգոհելու տեղ չունենք. Արտակ Ավետյանը քվեարկեց հանուն «կանաչ Երևանի»
Ինչու Ռոբերտ Քոչարյանը չի գնում ընտրության. պարզաբանում է Վիկտոր Սողոմոնյանը
Երևանի ավագանու ընտրությունների ընթացքը
«Կապրենք նոր Երևանում». ինչ է մաղթել Մանուել Գասպարյանը մյուս թեկնածուներին
614 ՀՀ քաղաքացի մահացել են այլ պետություններում. Բիչախչյանի պատասխանը Վահան Բաբայանին
Հայկ Մարությանը լարված քարոզարշավում նաև զավեշտալի դեպքեր է արձանագրել
Արարատ Զուրաբյանն ասաց` ինչն է պղտորել նախընտրական քարոզարշավի մթնոլորտը
Տուգանք և ազատազրկում` քվեաթերթիկը լուսանկարելու համար. նախազգուշացնում է ՄԻՊ–ը
թեգերը:
Երևանի ավագանու ընտրություններ, Նաիրա Զոհրաբյան, Երևան

Գլխավոր թեմաներ