02:16 15 նոյեմբերի 2019
Ուղիղ եթեր
  • USD477.51
  • GBP613.60
  • EUR525.36
  • RUB7.45
Էդուարդ Շարմազանովը՝ Ազգային ժողովի հատուկ նիստում  (1-ը մայիսի 2018 թ.)

Էդուարդ Շարմազանովը խոստանում է դեմ քվեարկել. ԱԺ–ն վարչապետի ցանկությունների գերին չէ

© Sputnik / Asatur Yesayants
Քաղաքականություն
Ստանալ կարճ հղումը
186232

Արտահերթ խորհրդարանական ընտրությունները կհայտարարեն Հայաստանում բազմակարծության մահը։ Շարմազանովը խոստանում է դեմ քվեարկել նման նախաձեռնությանը։

ԵՐԵՎԱՆ, 24 սեպտեմբերի — Sputnik. ՀՀԿ խոսնակ, ԱԺ նախագահի տեղակալ Էդուարդ Շարմազանովն ԱԺ արտահերթ ընտրությունների անհրաժեշտություն չի տեսնում։ Այդ գաղափարը, նրա խոսքով, ոչ միայն  ընդունելի չէ, այլև անտրամաբանական է։ Sputnik Արմենիայի հետ զրույցում, արձագանքելով ԱԺ արտահերթ ընտրություններ անցկացնելու մասին ՀՀ վարչապետ Նիկոլ Փաշինյանի նյույորքյան ուղիղ եթերին, նման կարծիք հայտնեց ԱԺ փոխխոսնակը։

«Ինչպես նախկինում, այնպես էլ հիմա, ես արտահերթ խորհրդարանական գործընթացների ո՛չ տրամաբանություն, ո՛չ անհրաժեշտություն չեմ տեսնում։ Խորհրդարանն անկախ օրենսդիր մարմին է, ընտրվել է օրինական, 5 տարի ժամանակով, բոլոր միջազգային դիտորդները տվել են դրական գնահատական, որևէ մեկի մոտ, այդ թվում` «Ելք» դաշինքի կամ Նիկոլ Փաշինյանի մոտ արդյունքների վերաբերյալ բողոքներ չեն եղել։ Ուստի Սահմանադրությունը պահանջում է առաջնորդվել ոչ թե վարչապետի, կամ Շարմազանովի, կամ որևէ այլ գործչի ցանկություններով  ու իրողությունների փոփոխությամբ,  այլ պահանջում է, որ ԱԺ–ն իր լիազորություններն իրականացնի մինչև 2022թ–ը»,– ասաց նա։

ՏԻՄ ընտրությունների արդյունքները, նրա խոսքով, նոր խորհրդարանական ընտրությունների առիթ չեն կարող հանդիսանալ, խորհրդարանի կազմն էլ ներդրումների ցածր մակարդակի հետ չեն կարող որևէ առնչություն ունենալ։

«ԱԺ–ը ձեր բերած ո՞ր օրենսդրական նախաձեռնությանն է դեմ քվեարկել, որ հիմա էլ ԱԺ–ն է մեղավոր, որ ներդրողների սպասումները չեն արդարանում, ներդրումներն էլ չգիտեն ինչ պետք է լինի»,– ասաց Շարմազանովը` գործադիր իշխանությանը խորհուրդ տալով վատ աշխատանքի ու ոչ պրոֆեսիոնալ տնտեսական քաղաքականության արդյունքը ԱԺ–ի վրա չբարդել։

«Չի կարող Ազգային ժողովը, որն օրենսդիր մարմին է, դառնալ վարչապետի ցանկությունների գերին»,– ասաց նա։

Այդուհանդերձ, ՀՀԿ ներկայացուցիչը չբացառեց, որ կուսակցությունը կմասնակցի Փաշինյանի առաջարկած հարցի քննարկումներին` հավելելով, որ իր ներկայացրած տեսակետը բացառապես իր անձնական դիրքորոշումն է։ Ընդ որում՝ անկախ ԱԺ–ն լուծարելու հարցի շուրջ հետագա քաղաքական դիրքորոշումներից ու որոշումներից, Էդուարդ Շարմազանովը վստահեցնում է, որ ինքն այդ հարցին դեմ է քվեարկելու, քանի որ համոզված է` ԱԺ լուծարումը կհայտարարի Հայաստանում  բազմակարծության մահն ու իշխանությունների տարանջատման սկզբունքի վերացումը։

Ըստ թեմայի

Փաշինյանը Երևանի ավագանու ընտրությունները համարում է ԱԺ–ի կազմը փոխելու մանդատ
Ընտրություններ հրատապ կարգով. ինչը Փաշինյանին կստիպի արագացնել խորհրդարանի «թարմացումը»
Շարմազանովն առաջարկում է պատժել եկեղեցու դեմ բողոքի ակցիաներ իրականացնողներին
թեգերը:
ԱԺ, Էդուարդ Շարմազանով, Հայաստան

Գլխավոր թեմաներ