00:09 21 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Փաշինյանն ու Ալիևը Դուշանբեում

Փաշինյանն ու Ալիևը 2 րոպեում «ջրեցի՞ն» պայմանավորվածությունները. քաղաքագետը մտահոգված է

© Sputnik / Михаил Метцель/ТАСС/POOL
Քաղաքականություն
Ստանալ կարճ հղումը
978 0 0

Փաշինյանի և Ալիևի կարճատև զրույցը լավատեսություն չի ներշնչում քաղաքագետ Հրանտ Մելիք–Շահնազարյանին։

ԵՐԵՎԱՆ, 29 սեպտեմբերի — Sputnik. Քաղաքագետ Հրանտ Մելիք-Շահնազարյանը որևէ արդյունք չի սպասում ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումից։ Նա հետևել է ադրբեջանական լրահոսին և նկատել, որ ադրբեջանցիներն արդեն իսկ պատճառներ են փնտրում պայմանավորվածությունները խախտելու մեջ հայերին մեղադրելու համար։

«Վստահ եմ, որ այդ պրոցեսը շարունակվելու է, և այդ ամենից, ցավոք սրտի, խաղաղություն և հանդարտություն չենք ունենալու սահմանին։ Ես չեմ կիսում վարչապետի լավատեսությունը։ Եթե դա լավատեսություն չէ, այլ վստահություն, ուրեմն պարզապես չեմ հասկանում նման մոտեցումը, որովհետև փորձը ցույց է տվել, որ Ադրբեջանի հետ որևէ պայմանավորվածություն մինչ օրս չի աշխատել, և վերադառնալով Բաքու` Ալիևը մշտապես հակառակ դիրքորոշումներով է հանդես եկել»,- Sputnik Արմենիային ասաց Մելիք-Շահնազարյանը։

Քաղաքագետը կարծում է, որ բացի սահմանի հանդարտությանը վերաբերող խնդրից, ավելի անհանգստացնող է այն փաստը, որ բանակցային գործընթացում օրակարգ է փոխվում։

«Եվ դա արվում է, մեղմ ասած, Նիկոլ Փաշինյանի ոչ պատրաստ մոտեցումների հետևանքով»,- ասաց Մելիք-Շահնազարյանը` նշելով, որ եթե սահմանային միջադեպերի բացառման հարցում փոփոխություն չի լինելու պրակտիկայում, ապա քաղաքական դաշտում դա նշանակում է, որ մի կողմ են նետվում Վիեննայի և Սանկտ Պետերբուրգի պայմանավորվածությունները, որտեղ իրավիճակը հանդարտ պահելու հստակ մեխանիզմներ են նշված։

«Եվ գիտենք, որ Ադրբեջանի իշխանությունը դրանք մերժել է։ Ալիևը հայտարարել է, որ Հայաստանը չի կարող որևէ բան պարտադրել։ Ըստ էության, այն, ինչ անում է, Ադրբեջանի նախագահը, այդ պայմանավորվածություններից փախչելն է, Վիեննան ու Սանկտ Պետերբուրգը «ջրելը» և փոխարենը նոր պայմանավորվածություններ սկսելը, ինչը շատ մեծ բացթողում է մեր դիվանագիտութան համար»,- ասաց փորձագետը։

Նրա խոսքով` Վիեննայում և Սանկտ Պետերբուրգում Հայաստանը կարողացել է այնպիսի որոշումներ պարտադրել Ադրբեջանին, որոնք ընկալելի էին միջազգային հանրության ու միջնորդների համար և բավականին դժվար կացության մեջ էին դրել Ալիևին։

«Երկրորդ խնդիրը, որն ինձ շատ է անհանգստացնում, այն է, որ Հայաստանի իշխանությունը փաստորեն լրջորեն չի զբաղվում մեզ համար անվտանգության հիմնական խնդիրներով։ Ակնհայտ երևում է, որ վարչապետի ուշադրության կենտրոնում միայն խորհրդարանական արտահերթ ընտրություններ անցկացնելն է։ Այսինքն` նա հայտարարում է, որ սահմանին արդեն հանգիստ է լինելու, կարող ենք հանգիստ զբաղվել ընտրությունների հարցով։ Եվ այդ տպավորությունը հենված է մի մարդու խոսքի վրա, որն արդեն տասնամյակներ շարունակ մեր երկրների համար հիմնական սպառնալիքի աղբյուրն է»,- ասաց Մելիք-Շահնազարյանը։

Նա այսպիսի մոտեցումները ոչ միայն անընդունելի է համարում, այլև խիստ քննադատելի։

«Որովհետև հարցը վերաբերում է երկրի անվտանգությանը։ Սա սովորական քաղաքական պրոցես չէ, այլ մեր երկրի կենսական շահերը, որոնց մենք պետք է շատ ավելի երկար պատրաստվենք, շատ ավելի մանրակրկիտ մշակենք մեր անելիքները։ Անկեղծ ասած, անհասկանալի էր վարչապետի այդ հայտարարությունը, որ կարելի է ընդամենը մեկուկես-երկու րոպե զրուցելով նման հարցեր որոշել և հայտարարել, որ այստեղ արդեն ամեն ինչ հանգիստ է»,- ասաց քաղաքագետը։

Հիշեցնենք, որ երեկ` սեպտեմբերի 29-ին, Փաշինյանը ֆեյսբուքյան էջի ուղիղ եթերում պատմել էր Դուշանբեում ԱՊՀ երկրների գագաթաժողովի ժամանակ Ադրբեջանի նախագահ Իլհամ Ալիևի հետ հանդիպման մասին։ Նրա խոսքով` Ալիևի հետ պայմանավորվել են պաշտպանության նախարարներին հանձնարարել, որ կոնկրետ քայլեր ձեռնարկեն սահմանագծում և ընդհանրապես լարումն իջեցնելու վերաբերյալ։ Փաշինյանն ասել էր, որ խոսքը վերաբերում է սահմանային միջադեպերը կանխելուն ուղղված քայլերին։

Ըստ թեմայի

Ադրբեջանական որոգայթ. կկարողանա՞ Փաշինյանը տեղ բացել Արցախի համար
Ադրբեջանի մտադրությունն այն է, որ Ղարաբաղը մաքրվի հայերից. Փաշինյան
Ալիևի` Արցախի վերաբերյալ հայտարարությունը ներքին լսարանին է ուղղված. Փաշինյանի խորհրդական
թեգերը:
Իլհամ Ալիև, Նիկոլ Փաշինյան, Ադրբեջան, Հայաստան

Գլխավոր թեմաներ