15:51 16 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Արմեն Աշոտյան. ՀՀ ԱԺ պատգամավոր, ՀՀԿ փոխնախագահ

Աշոտյանին սպառնու՞մ են. ՀՀԿ փոխնախագահի պատասխանը

© Sputnik / Asatur Yesayants
Քաղաքականություն
Ստանալ կարճ հղումը
329 0 0

Իրեն ներկայացված հայցի թարմացումը Արմեն Աշոտյանը գնահատում է որպես իրեն «սպառնալու եւ ճնշում գործադրելու ապարդյուն փորձ»։

ԵՐԵՎԱՆ, 10 հոկտեմբերի- Sputnik. ՀՀԿ նախագահի տեղակալ, պատգամավոր, Ազգային ժողովի Արտաքին հարաբերությունների մշտական հանձնաժողովի ղեկավար Արմեն Աշոտյանը ֆեյսբուքի իր էջում գրառում է կատարել՝ անդրադառնալով իր մասին Հատուկ քննչական ծառայության տարածած հաղորդագրությանը:

Աշոտյանը, մասնավորապես, գրել է. «Հատուկ քննչական ծառայության ինձ վերաբերող տարօրինակ հայտարարության առնչությամբ հայտնում եմ հետեւյալը։

Հոկտեմբերի 2-ի հայտնի իրադարձություններից անմիջապես հետո ՀՔԾ-ն ընթացք է տվել տարիներ շարունակ իմ անձին վերագրվող, մամուլում երբեմն հայտնվող եւ իրականության հետ աղերս չունեցող մեղադրանքներին իմ՝ Երեւանի պետական բժշկական համալսարանի կենսաքիմիայի ամբիոնի աշխատակից լինելու հանգամանքների հետ կապված։

Երկար ժամանակ է, ինչ այդ զրպարտությունը բացառապես լրատվական առիթ էր որոշ ԶԼՄ-ների համար, իշխանափոխությունից հետո մի պահ խնդրով հետաքրքրվեց դատախազությունը, իսկ ներքաղաքական իրավիճակի սրացումից անմիջապես հետո գործի անցավ ՀՔԾ-ն։

Այս մանրամասները ստիպված շարադրում եմ՝ ամենեւին նպատակ չունենալով ազդել հարուցված գործընթացի վրա, միաժամանակ այս ժամանակահատվածում տվյալ հայցի թարմացումը ՀՔԾ-ի կողմից գնահատում եմ ինձ սպառնալու եւ ճնշում գործադրելու ապարդյուն փորձ։

Հիշեք, որ իմ քաղաքական հայացքները մնում են անփոփոխ»։

Հիշեցնենք՝ երեկ Հատուկ քննչական ծառայությունը հաղորդագրություն էր տարածել՝ Աշոտյանին կոչ անելով զերծ մնալ կառույցի հասցեին հերյուրանքներ տարածելուց:

«Ա. Աշոտյանին առաջարկում ենք հրապարակել ՀՀ հատուկ քննչական ծառայության կողմից իրեն ուղղված սպառնալիքի փաստերը, այդ թվում՝ իրեն սպառնացած՝ ՀՀ ՀՔԾ պաշտոնյայի տվյալները, հակառակ դեպքում՝ նրանից ակնկալում ենք հրապարակային հերքում և հորդորում ենք այսուհետ ձեռնպահ մնալ ՀՀ հատուկ քննչական ծառայության հասցեին հերյուրանքներ տարածելու գործելաոճից»,-ասված էր ՀՔԾ-ի տարածած հաղորդագրության մեջ:

Ըստ թեմայի

ՀՀԿ-ն վարչապետի թեկնածու առաջադրելու մտադրություն չունի
Տարուբերումներ ՀՀԿ–ի ներսում. ինչի՞ կհանգեցնի կուսակցության «զոհաբերությունը»
ԲՀԿ–ն այլևս ընդդիմություն չէ կամ ինչպես երեք րոպեում անցնել «դու»–ի
Ռիչարդ Միլսը Փաշինյանին համեմատել է ԱՄՆ–ի երկրորդ նախագահի հետ
թեգերը:
Արմեն Աշոտյան, Հայաստան

Գլխավոր թեմաներ