02:43 21 հոկտեմբերի 2018
Ուղիղ եթեր
  • USD483.80
  • GBP630.39
  • EUR554.58
  • RUB7.37
Նիկոլ Փաշինյան

Արտահերթ ընտրությունների սցենարը չի փոխվել. ՀՀԿ –ականներին ճնշում են հարևան–բարեկամները

© Sputnik / Asatur Yesayants
Քաղաքականություն
Ստանալ կարճ հղումը
ՀՀ վարչապետ Նիկոլ Փաշինյան (485)
27401

ՀՀ վարչապետ Նիկոլ Փաշինյանը հանդիպել է ՀՀԿ խորհրդարանական ղեկավարության հետ։ Քննարկվել են արտահերթ ընտրությունների հետ կապված հարցերը։

ԵՐԵՎԱՆ, 10 հոկտեմբերի — Sputnik. ՀՀ Ազգային ժողովը ցրելու և արտահերթ ընտրություններ նշանակելու սցենարը չի փոխվել։ Այսօր ԱԺ–ում Արա Բաբլոյանի հետ հանդիպումից հետո լրագրողներին ասել է ՀՀ վարչապետ Նիկոլ Փաշինյանը։ Նրա խոսքով` սցենարը մնացել է իր հայտարարածը` վարչապետը հրաժարական է տալիս, 2 անգամ չի ընտրվում և Ազգային ժողովն օրենքի ուժով ցրվում է։

Հարցին, թե երբ է պատրաստվում հրաժարական ներկայացնել, Փաշինյանը պատասխանեց. «Դա մի քիչ հաշվարկի հարց է»։

ՀՀԿ–ի հետ հուշագիր ստորագրելու անհրաժեշտություն Փաշինյանը չի տեսնում` հավելելով, որ երեկվա հայտարարությունից հետո նման անհրաժեշտություն չկա։ ԱԺ այցի նպատակը, վարչապետի խոսքով, նաև առկա լարվածությունը հանդարտեցնելն է։

Անդրադառնալով վարչապետի առաջարկը պաշտպանելու մասին ԱԺ մի խումբ պատգամավորների ստորագրած հայտարարությանը`Նիկոլ Փաշինյանը նշեց, որ ուրախ է, որ ԱԺ բազմաթիվ պատգամավորներ լսեցին ժողովրդի ձայնը։

Իսկ նրանց նկատմամբ ճնշում կիրառելու վերաբերյալ մեղադրանքներին պատասխանեց. «Եթե ճնշում եղել է, դա ժողովրդական ճնշում է։ Այսօր ԱԺ շատ պատգամավորներ իրենց հարևանների, բարեկամների, երբեմն նույնիսկ ընտանիքի անդամների ճնշման ներքո են, և կարծում եմ, նրանք առաջին հերթին իրենք իրենց ճնշմանն են արձագանքել»։

Տեսակետներին, թե արտահերթ ընտրություններից հետո Հայաստանում մոնոլիտ խորհրդարան է գործելու, Նիկոլ Փաշինյանը չհամաձայնեց` հավելելով, որ Հայաստանում ժողովրդավարությանը որևէ բան չի սպառնում։

«ՀՀ–ում մամուլն այսօր ավելի ազատ է, քան երբևէ։ Ամեն տարվա հետ մամուլն ավելի ու ավելի ուժեղանալու է։ Հայաստանում լինելու է անկախ դատական համակարգ։ Հայաստանում ընտրությունների արդյունքները չեն կեղծվելու»,– հայտարարեց Փաշինյանը։

Իսկ արտահերթ ընտրություններից հետո ձևավորվող նոր կառավարությունում վարչապետը չբացառեց, որ կընդգրկվեն նաև խորհրդարանական ու արտախորհրդարանական ուժերի ներկայացուցիչներ։

ՀՀ վարչապետն ԱԺ–ում հանդիպել է նաև ՀՀԿ խմբակցության ղեկավար Վահրամ Բաղդասարյանի հետ։

 

թեմա:
ՀՀ վարչապետ Նիկոլ Փաշինյան (485)

Ըստ թեմայի

ԱԺ արտահերթ ընտրությունների թեման հասավ ՄԱԿ-ի գլխավոր քարտուղարին
Օրվա հրամայականն է. ՀԺԿ–ն էլ խոսեց խորհրդարանական արտահերթ ընտրությունների մասին
ԱԺ արտահերթ ընտրությունների ժամկետի վերաբերյալ պայմանավորվածություն չկա. ՀՅԴ
ՀՀԿ–ն պատրաստ է ընտրությունների, բայց ոչ դեկտեմբերին. Բաղդասարյան
ԱԺ արտահերթ ընտրությունների ժամկետը ամենակարևոր հարցը չէ օրակարգում. ՀՅԴ հայտարարությունը
Ինչով է սպառնում Փաշինյանին և նրա թիմին Երևանի ավագանու ընտրությունների հաջողությունը
թեգերը:
Հայաստանի Հանրապետական կուսակցություն (ՀՀԿ), Նիկոլ Փաշինյան, Հայաստան

Գլխավոր թեմաներ