ԵՐԵՎԱՆ, 26 հոկտեմբերի — Sputnik. Միացյալ նահանգների նախագահի Ազգային անվտանգության հարցերով խորհրդական Ջոն Բոլտոնը Հայաստանը որակել է որպես տարածաշրջանում կարևոր ընկեր: Բոլտոնը Հայաստան կատարած այցի մասին գրառում է արել Twitter-ի իր էջում:
«Երեկ ես հիանալի այցելություն ունեցա Հայաստան՝ կարևոր ընկեր տարածաշրջանում: Ես բավականություն ստացա ՀՀ վարչապետի պաշտոնակատարի և իր ազգային անվտանգության թիմի հետ ունեցած արդյունավետ խոսակցությունից»,- գրել է Բոլտոնը:
Yesterday I had a nice visit to Armenia, an important friend in the region. I enjoyed productive conversations with the Prime Minister and his national security team.
— John Bolton (@AmbJohnBolton) October 26, 2018
Հիշեցնենք, որ ԱՄՆ նախագահի Ազգային անվտանգության հարցերով խորհրդական Ջոն Բոլտոնը Հայաստանում հանդիպում է ունեցել վարչապետի պաշտոնակատար Նիկոլ Փաշինյանի հետ: Փաշինյանն ու Բոլտոնն ընդգծել են բարձր մակարդակի փոխայցելություններն ավելի հաճախակի դարձնելու անհրաժեշտությունը:
Բոլտոնը հանդիպում է ունեցել նաև Անվտանգության խորհրդի քարտուղարի, պաշտպանության և ԱԳ նախարարի պաշտոնակատարների հետ: Լրագրողների հետ հանդիպմանը նա նշել էր, որ հայ-ամերիկյան հարաբերությունները Միացյալ Նահանգների համար առաջնահերթ են ու կարևոր:
