11:47 16 հուլիսի 2019
Ուղիղ եթեր
  • USD476.68
  • GBP598.81
  • EUR537.65
  • RUB7.61
Ջոն Բոլտոն

Վաշինգտոնը Բաքվից ավելի շատ բան կպահանջի, քան Երևանից. փորձագետը` Իրանի խնդրի մասին

© Sputnik / Asatur Yesayants
Քաղաքականություն
Ստանալ կարճ հղումը
118 0 0

ՀՀ ԳԱԱ Արևելագիտության ինստիտուտի տնօրեն Ռուբեն Սաֆրաստյանը համոզված է, որ ադրբեջանա–իրանական ռազմավարական նախագծերը կասեցնելու համար Վաշինգտոնը ճնշում կգործադրի Բաքվի վրա։

ԵՐԵՎԱՆ, 30 հոկտեմբերի — Sputnik. Չի բացառվում, որ ԱՄՆ-ն Իրանի հարցով որոշակի ճնշում գործադրի Հայաստանի վրա, սակայն այդ ճնշումն այնքան ուժեղ չի լինի, ինչպես Ադրբեջանի դեպքում։ Այսօր լրագրողների հետ զրույցում այս կարծիքը հայտնեց ՀՀ ԳԱԱ Արևելագիտության ինստիտուտի տնօրեն Ռուբեն Սաֆրաստյանը։

Նա նշեց, որ ԱՄՆ նախագահի ազգային անվտանգության հարցերով խորհրդական Ջոն Բոլտոնի հարավկովկասյան այցի ռազմավարական նպատակը Թեհրանի նկատմամբ ճնշումն ուժեղացնելն էր։ Եվ դա մեծ մասամբ կապված է Ադրբեջանի հետ, որի տարածքն օգտագործվում է Իրանի համար ռազմավարական նշանակություն ունեցող նախագծերի իրականացման համար, օրինակ` Հյուսիս-Հարավ միջանցքը կամ Կասպից ծովի ափերին ազատ տնտեսական գոտու ստեղծումը։

«Այդ նախագծերը ռազմավարական նշանակություն ունեն Իրանի համար, և ԱՄՆ-ն փորձում է առավելագույնս սահմանափակել Իրանի հնարավորությունները», — կարծում է Սաֆրաստյանը։

Բացի այդ, Բաքուն Վաշինգտոնին հետաքրքրում է նաև Եվրոպայի համար ռուսական գազի այլընտրանք ստեղծելու առումով։ Թրամփի խորհրդականի` Ադրբեջան կատարած այցի ժամանակ քննարկվել է նաև գազը Եվրոպա հասցնելու համար հարավային գազային միջանցք ստեղծելու հարցը։

Սակայն, ըստ փորձագետի, Ադրբեջանի իշխանությունն ընդդիմանալու է Իրանի հետ գժտեցնելու ամերիկյան փորձերին։ Այս մասին է վկայում նաև Բոլտոնի հանդիպումներից հետո Ալիևի հայտարարությունների բացակայությունը։

Սաֆրաստյանը նշեց, որ ԱՄՆ-ն անկասկած պահանջներ կներկայացնի նաև Հայաստանին։

«Սակայն Հայաստանի և Իրանի հարաբերությունները ԱՄՆ-ին այդքան էլ չեն մտահոգում, եթե դա կապված չէ ռազմական համագործակցության հետ», — ասաց փորձագետը։

ԱՄՆ նախագահի ազգային անվտանգության հարցերով խորհրդական Ջոն Բոլտոնն ավելի վաղ հայտարարել էր, թե ՀՀ վարչապետի պաշտոնակատար Նիկոլ Փաշինյանի հետ հանդիպման ժամանակ ներկայացրել է, որ Վաշինգտոնն ուզում է Իրանի նկատմամբ առավելագույն ճնշում գործադրել` «բարեկամական երկրներին վնաս չհասցնելով»։

ԱՄՆ նախագահ Դոնալդ Թրամփը մայիսի 8-ին հայտարարել էր, որ Վաշինգտոնը դուրս է գալիս Իրանի հետ միջուկային ծրագրի մասին համաձայնագրից և վերականգնում Իրանի նկատմամբ բոլոր պատժամիջոցները, այդ թվում երկրորդական` այն երկրների նկատմամբ, որոնք բիզնես են վարում Իրանի հետ։ Օգոստոսի 7-ից ԱՄՆ-ն կրկին ուժի մեջ մտցրեցին Թեհրանի նկատմամբ պատժամիջոցների մի մասը։ Ավելի էական պատժամիջոցներ, որոնք կներառեն նավթի արտահանումը, նոյեմբերի 4-ին են սպասվում։

Ըստ թեմայի

ՌԴ ԱԳՆ-ն արձագանքել է Բոլտոնի` Հայաստանի ու Ռուսաստանի բարեկամության մասին ասածին
Ջոն Բոլտոնը չի կարող խոսել իմ անունից. Փաշինյան
Բոլտոնի ծայրահեղ հստակությունը. ԱՄՆ–ն ձգտում է նվազեցնել ռուսական ազդեցությունը ՀՀ-ում
թեգերը:
Ադրբեջան, Հայաստան

Գլխավոր թեմաներ