17:35 15 նոյեմբերի 2018
Ուղիղ եթեր
  • USD487.27
  • GBP622.97
  • EUR549.69
  • RUB7.31
Նիկոլ Փաշինյանն ու Արայիկ Հարությունյանը, արխիվային լուսանկար

Նախարարի պաշտոնակատարը պատմեց` ովքեր ու ինչպես են ՔՊ–ի անդամատոմս ստանում

© Sputnik / Asatur Yesayants
Քաղաքականություն
Ստանալ կարճ հղումը
21610

ՔՊ–ին անդամագրվող խաժամուժի մասին լուրերը հողմաղացներ են։ Արայիկ Հարությունյանը պատմեց` ինչ է կատարվում իրականում։

ԵՐԵՎԱՆ, 5 նոյեմբերի — Sputnik. Կրթության և գիտության նախարարի պաշտոնակատար Արայիկ Հարությունյանն այսօր ԱԺ–ում լրագրողների հետ զրույցում հայտարարեց, որ առաջադրվելու է ռեյտինգային ընտրակարգով՝ թիվ 3 ընտրատարածքից։

«Այնտեղ, որտեղ նախորդ տարի առաջադրվել եմ և նախորդ տարի բավականին շատ ձայներ եմ ստացել»,– ասաց Հարությունյանը։

Լուրերը, թե «Քաղաքացիական պայմանագիր» կուսակցությունը վերածվում է այլ քաղաքական ուժերից դուրս եկած տարբեր տարրերի ապաստան, Արայիկ Հարությունյանը հողմաղացներ որակեց` հավելելով, թե մարդիկ սիրում են հողմաղացներ հորինել ու պայքարել դրանց դեմ։

«Բայց այդ հողմաղացներն ուղղակի չկան։ Ես ուղղակի կոչ կանեմ սպասել։ Առաջիկայում ցուցակը կհրապարակվի, նոր ինքներդ կարող եք գնահատական տալ, թե ինչ «խաժամուժ» է այդ ցուցակում ներգրավված»,– ասաց նա։

Այդուհանդերձ, ՔՊ անդամը չհերքեց, որ կուսակցության նախընտրական ցուցակում լինելու են ՀՀԿ նախկին անդամներ, բայց չցանկացավ հրապարակել նրանց անունները։

Նախարարի պաշտոնակատարը հաստատեց` ՔՊ–ին անդամագրվողների հերթը բավականին մեծ է, բայց վստահեցրեց, որ անդամատոմս հանձնելիս հաշվի է առնվում դիմողի մասնակցությունը հեղափոխությանն ու նախկինում ՔՊ–ին ցուցաբերած աջակցությունը։

Ըստ թեմայի

ԱԺ–ում երեք կուսակցություն կլինի. իրադարձությունների հավանական զարգացումը` ըստ Քոչարյանի
«Եթե ոչ մենք, ապա ո՞վ». Էդմոն Մարուքյանը` ԱԺ արտահերթ ընտրության մասին
«Լուսավոր Հայաստանի» առաջնորդը մեկնաբանել է Կոնջորյանի դուրս գալը կուսակցությունից
Փաշինյանը պետք է հրաժարվի «սուպերվարչապետական» համակարգից. Քոչարյան

Գլխավոր թեմաներ