13:52 17 նոյեմբերի 2018
Ուղիղ եթեր
  • USD485.72
  • GBP621.53
  • EUR550.71
  • RUB7.35
ԱԶգային ժողով

Սև PR կամ «դվոյնիկ» կուսակցություններ. քաղտեխնոլոգը` ԱԺ արտահերթ ընտրությունների մասին

© Sputnik / Asatur Yesayants
Քաղաքականություն
Ստանալ կարճ հղումը
ԱԺ արտահերթ ընտրություններ 2018 (107)
135 0 0

Քաղտեխնոլոգ Վիգեն Հակոբյանը կարծում է, որ ԱԺ–ում հիմնական պայքարը կմղվի տեղերի 1/3–ի համար։

ԵՐԵՎԱՆ, 6 նոյեմբերի — Sputnik. ԱԺ արտահերթ ընտրություններին «դվոյնիկ» կուսակցություններ կմասնակցեն։ Այս մասին այսօր լրագրողներին ասաց քաղտեխնոլոգ Վիգեն Հակոբյանը։

Հակոբյանը նշեց` որևէ կասկած չկա, թե ով է լինելու առաջիկա ընտրության ֆավորիտը։ Նրա կարծիքով` հիմնական պայքարը ծավալվելու է խորհրդարանի 1/3 տեղերի համար, որը բաժին է ընկնելու ընդդիմությանը։

«Կարծում եմ` դա կլինի ամենամեծ ինտրիգը։ Խորհրդարան անցնելու հնարավորություն ունի «Բարգավաճ Հայաստանը»։ Ինչ–որ հնարավորություններ ունի Հանրապետական կուսակցությունը։ Տեսականորեն քվեարկության արդյունքի վրա կարող է ազդել նաև «Սասնա ծռեր» կուսակցությունը», – կարծում է Հակոբյանը։

Քաղտեխնոլոգը նշեց, որ ընտրությունների հավանական մասնակիցներին կարելի է մի քանի խմբի բաժանել։ Առաջինն այն ուժերն են, որոնք խորհրդարան անցնելու համար իրական պայքար են մղում։ Երկրորդը նրանք են, ովքեր կարող էին ԱԺ անցնել Ընտրական օրենսգրքի փոփոխությունների դեպքում (նախագծի համաձայն` առաջարկվում էր իջեցնել խորհրդարան անցնելու նվազագույն շեմը, առաջարկվում էր նաև, որ ԱԺ–ում չորս կուսակցություն լինի):

Սակայն ԸՕ–ի փոփոխությունների օրինագիծը չընդունվելուց հետո երկրորդ խումբը հիմա փորձում է դաշինքներ կազմել կամ ֆավորիտ կուսակցությունների ցուցակներ մտնել։

Ըստ Հակոբյանի` չի բացառվում, որ շուտով նրանք որևէ պատճառ գտնեն և ընդհանրապես հրաժարվեն ընտրությունների մասնակցությունից։

Քաղտեխնոլոգը կարծում է, որ բազում նոր կուսակցություններ կփորձեն ընտրությունները որպես մեկնարկ օգտագործել, կփորձեն հայտարարել իրենց մասին ու կսկսեն պատրաստվել հաջորդ ընտրություններին։

Կա կուսակցությունների ևս մեկ տեսակ` գործող ուժերի «դվոյնիկները», որոնք զբաղվելու են նրանով, ինչով առաջատար կուսակցություններն այս կամ այն պատճառով չեն ուզում զբաղվել։

«Կզբաղվեն այս կամ այն մրցակիցների դեմ սև փիար անելով կամ իրենց քարոզարշավով կսատարեն այս կամ այն ուժերին։ Դա քաղաքական տեխնոլոգիա է, որի նշաններն արդեն տեսնում եմ», – ասաց Հակոբյանը։

ՀՀ ազգային ժողովի արտահերթ ընտրությունները տեղի կունենան դեկտեմբերի 9–ին։

թեմա:
ԱԺ արտահերթ ընտրություններ 2018 (107)

Ըստ թեմայի

«Լուսավոր Հայաստանի» առաջնորդը մեկնաբանել է Կոնջորյանի դուրս գալը կուսակցությունից
«Իմ քայլն» անակնկալներ չի խոստանում, Վանեցյանը ցուցակում չի ներառվելու. Սիմոնյան
ՀՀԿ խմբակցությունը լքած պատգամավորը կօգնի Փաշինյանին, բայց օգնությունը չափավոր կլինի
Դուր չի եկե՞լ նախարարի պաշտոնը. Լիլիթ Մակունցն ուզում է պատգամավոր դառնալ

Գլխավոր թեմաներ