13:53 17 նոյեմբերի 2018
Ուղիղ եթեր
  • USD485.72
  • GBP621.53
  • EUR550.71
  • RUB7.35
Սասուն Միքայելյան

Կոտայքում կառաջադրվեն Սասուն Միքայելյանն ու մարզպետը

© Sputnik / Aram Nersesyan
Քաղաքականություն
Ստանալ կարճ հղումը
ԱԺ արտահերթ ընտրություններ 2018 (107)
148 0 0

Կոտայքի մարզպետը 5 ամսվա ընթացքում Ծառուկյանի կողմից որևէ խոչընդոտի չի հանդիպել:

ԵՐԵՎԱՆ, 7 նոյեմբերի – Sputnik. ՀՀ Կոտայքի մարզում «Քաղաքացիական պայմանագրի» կողմից ռեյտինգային ընտրակարգով կառաջադրվեն մարզպետն ու Սասուն Միքայելյանը: Այսօր` նոյեմբերի 7-ին, Ազգային ժողովում լրագրողների հետ զրույցում այս մասին ասաց Կոտայքի մարզպետ Ռոմանոս Պետրոսյանը:

Նա չբացառեց, որ նույն կուսակցությունից կարող են առաջադրվել ևս 3 թեկնածու, բայց այս պահին հայտնի են միայն իրենք` երկուսը:

Романос Петросян
© Sputnik / Asatur Yesayants
Ռոմանոս Պետրոսյան

«Երկուսս հստակ առաջադրվելու ենք: Մյուսների մասով վարչությունը դեռ պետք է որոշում կայացնի»,- ասաց Պետրոսյանը:

Կոտայքի մարզում ԲՀԿ-ի և կուսակցության առաջնորդ Գագիկ Ծառուկյանի մեծ ազդեցության մասին հարցին ի պատասխան մարզպետն ասաց. «Շուրջ 5 ամիս է՝ ես պաշտոնավարում եմ Կոտայքի մարզպետի պաշտոնում, և անընդհատ ինձ այդ հարցն ուղղում են: Բայց ես ձեզ պաշտոնապես ասում եմ, որ 5 ամիսների ընթացքում իմ լիազորություններն իրացնելիս որևէ խոչընդոտի, որևէ կաշկանդումի, որևէ միջամտության փորձ նշված քաղաքական ուժի կամ գործչի կողմից չի եղել մեր մարզում»:

Պետրոսյանը Կոտայքի մարզում ռեյտինգային թեկնածուների միջև առողջ մրցակցություն է կանխատեսում` միաժամանակ հայտարարելով, որ մարզի պետական որևէ հիմնարկի, մասնավորապես`դպրոցի տնօրեն կամ աշխատակից չի ներգրավվի ընտրական գործընթացում:

Նշենք, որ ԱԺ արտահերթ ընտրությունը նախատեսված է դեկտեմբերի 9-ին։

 

թեմա:
ԱԺ արտահերթ ընտրություններ 2018 (107)

Ըստ թեմայի

ԱԺ–ում երեք կուսակցություն կլինի. իրադարձությունների հավանական զարգացումը` ըստ Քոչարյանի
«Եթե ոչ մենք, ապա ո՞վ». Էդմոն Մարուքյանը` ԱԺ արտահերթ ընտրության մասին
Սև PR կամ «դվոյնիկ» կուսակցություններ. քաղտեխնոլոգը` ԱԺ արտահերթ ընտրությունների մասին
թեգերը:
Հայաստան

Գլխավոր թեմաներ