02:29 18 նոյեմբերի 2018
Ուղիղ եթեր
  • USD485.72
  • GBP621.53
  • EUR550.71
  • RUB7.35
Էդուարդ Շարմազանով

էդուարդ Շարմազանովը դիմել է Նիկոլ Փաշինյանին. «Մտահոգիչ է, եղբայր»

© Sputnik / Asatur Yesayants
Քաղաքականություն
Ստանալ կարճ հղումը
40720

ՀՀԿ մամուլի խոսնակը կարծում է, որ ՀԱՊԿ–ի շուրջ ստեղծված իրավիճակը Նիկոլ Փաշինյանի կառավարության բացահայտ ձախողումն է։

ԵՐԵՎԱՆ, 9 նոյեմբերի – Sputnik. Փաշինյանի կառավարման շրջանում Հայաստանը հետևողական զիջում է իր անվտանգության դիրքերը: Այս մասին նշված է ԱԺ փոխնախագահ, ՀՀԿ մամուլի խոսնակ Էդուարդ Շարմազանովի տարածած հայտարարության մեջ:

«Փաստորեն նոյեմբերի 8-ն էլ անցավ, բայց Հայաստանը ՀԱՊԿ-ում գլխավոր քարտուղար չունեցավ: Մի բան է պարզ դառնում. Փաշինյանի կառավարման շրջանում Հայաստանը հետևողական զիջում է իր անվտանգության դիրքերը: Ավելին, բացահայտ նշվում է, որ գլխավոր քարտուղարի պաշտոնը Բելառուսին է տրվելու: Սա Փաշինյանի կառավարության հերթական բացահայտ ձախողումն է»,– նշել է Շարմազանովը:

Նրա կարծիքով` սեփական ձախողումը քողարկելու համար հասարակությունն ականատես կլինի, այսպես ասած, կոռուպցիայի դեմ պայքարի, նոր բացահայտումների կամ սևերի ու սպիտակների հերթական բաժանման:

«Պարոն վարչապետ, կոռուպցիայի ու ցանկացած ապօրինության դեմ էլի պայքարեք, բայց ոչ ի հաշիվ Հայաստանի ու Արցախի անվտանգության: Հա, մեկ էլ մի բան՝ էդ նորմալ ու կիրթ տպավորություն թողած Ալիևը հերթական անգամ խոսել է ինչ-որ տարածքներ վերադարձնելու, Արցախը ադրբեջանական հող լինելու, Հայաստանից զիջումներ կորզելու մասին: Ես սպասում էի Ձեր արձագանքին, բայց Ձեր խրոխտ ու վճռական խոսքի փոխարեն ստացա լռություն: Մտահոգիչ է, եղբա՛յր»,– գրել է Շարմազանովը:

Նա նշել է` Հայաստանի թիվ մեկ մարտահրավերը եղել և մնում է ՀՀ անվտանգության ամրապնդումն ու Արցախի հարցի արդար և հայանպաստ լուծումը:

ՀԱՊԿ գլխավոր քարտուղարի թեկնածությունը վերջնականապես կորոշվի դեկտեմբերի 6–ին Սանկտ Պետերբուրգում։ Մինչ այդ պաշտոնակատար կմնա Վալերի Սեմերիկովը։

Հիշեցնենք, որ Յուրի Խաչատուրովի լիազորությունները դադարեցվել են նոյեմբերի 2–ին, իսկ արդեն նոյեմբերի 4–ին նա եկել է Հայաստան։

Ըստ թեմայի

Կոլլիզիա ՀԱՊԿ գլխավոր քարտուղարի շուրջ. ինչո՞ւ Փաշինյանը կարող է զիջել
ՀԱՊԿ գլխավոր քարտուղարի թեկնածությունը վերջնականապես կորոշվի Սանկտ Պետերբուրգում
Հարցը միայն գլխավոր քարտուղարը չէ. ՀԱՊԿ–ը պետք է լրացնի սպիտակ կետերը
թեգերը:
Նիկոլ Փաշինյան, Էդուարդ Շարմազանով, Հավաքական անվտանգության պայմանագիր կազմակերպություն (ՀԱՊԿ), Հայաստան

Գլխավոր թեմաներ