10:34 22 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Ռոբերտ Քոչարյան. ՀՀ երկրորդ նախագահ

ԽՍՀՄ փլուզումը սկսվեց Ղարաբաղից. ո՞վ էր հավատում վերակառուցմանը. Քոչարյանի հարցազրույցը

© Sputnik / Asatur Yesayants
Քաղաքականություն
Ստանալ կարճ հղումը
307 0 0

ՀՀ երկրորդ նախագահ Ռոբերտ Քոչարյանը «Россия 24»-ին ներկայացրել է իր հիշողությունները ԽՍՀՄ փլուզման և ՀՀ անկախացման շրջանի վերաբերյալ:

ԵՐԵՎԱՆ, 13 նոյեմբերի — Sputnik. ՀՀ երկրորդ նախագահ Ռոբերտ Քոչարյանը հարցազրույց է տվել «Россия 24» հեռուստաալիքին: Նիկոլայ Սվանիձեի հեղինակային հաղորդման շրջանակներում խոսվել է Քոչարյանի հրատարակած ինքնակենսագրական գրքի մասին, որում դրվագ կա նաև Խորհրդային Միության փլուզման շրջանի մասին:

Քոչարյանը նկատել է, որ ՀՀ անկախությունը խորապես կապված է Արցախի հիմնախնդրի հետ:

«Այդ ամենը տեղի էր ունենում Արցախյան շարժման համատեքստում, սակայն այդ շարժման առաջնորդներն, այնուամենայնիվ, մտածում էին Հայաստանի անկախության մասին: Նրանց մի մասը լրջորեն հանդիսանում էր Հայաստանի անկախության կողմնակից: Ես հանդիսանում էի Արցախում եղած շարժման առաջնորդ, մոտեցումը ԽՍՀՄ-ին Արցախում բոլորովին այլ էր:

Մենք տեսնում էինք մեր խնդրի լուծումը հենց ԽՍՀՄ շրջանակներում:

Մենք այնպես հավատացինք վերակառուցման գաղափարին, որ թվում էր, թե դա հնարավորություն է լուծել սեփական խնդիրները, և մենք վստահ էինք, որ դրանք կլուծի հենց Մոսկվան»,-հիշել է Ռոբերտ Քոչարյանը:

Ըստ նրա՝ ԽՍՀՄ փլուզումն ու, մասնավորապես, Հայաստանի անջատումը միությունից անխուսափելի դարձան թե՛ օբյեկտիվ, թե՛ մասնավոր պատճառներով, քանի որ ընդհանուր գաղափարախոսությունն այլևս խախտված էր, և մարդիկ այլևս չէին հավատում բոլոր այդ երկրները միավորող գաղափարախոսությանը, իսկ քաղաքական վերնախավը չուներ այլ գրավիչ գաղափարներ, որոնք կարող էին հրամցնել հասարակությանը, ինչպես նաև անհրաժեշտ կամք՝ պետության պառակտումը կանխելու:

ՀՀ երկրորդ նախագահը նաև ի պատասխան լրագրողի՝ ԽՍՀՄ կազմում տարբեր ժողովուրդների միջև ներքին հարաբերությունների մասին հարցին, շեշտել է, որ Արցախի հակամարտությունը նաև վառ օրինակն է այն բանի, որ ամեն ինչ այդ միության մեջ իրականում այդքան էլ հարթ չէր, որքան ներկայացվում էր տարիներ շարունակ:

«Այն, ինչ պատահեց մեզ մոտ, վառ ապացույցն է նրա, որ ամեն բան այդքան էլ լավ չէր: Երբ ինձ ասում են, որ ԽՍՀՄ փլուզումը սկսեց Ղարաբաղից, ասում եմ՝ ո՛չ, Ղարաբաղից չսկսեց: Այն փլուզվեց բոլորովին այլ պատճառներով: Ուղղակի այդ ամենն իր մասին զգացնել տվեց այն կետերում, որտեղ լարվածությունն առավել ուժեղ է եղել», - նշել է Ռոբերտ Քոչարյանը:

Ըստ թեմայի

«Ակնհայտ հերյուրանք». Քոչարյանի գրասենյակը դատի է տալու գործարար Սիլվա Համբարձումյանին
Վճռաբեկ դատարանը կվերադարձնի՞ Ռոբերտ Քոչարյանի գործը. փաստաբանները սպասում են
Ռոբերտ Քոչարյանի պաշտպանները դիմել են ՄԻԵԴ
թեգերը:
Ռոբերտ Քոչարյան, Արցախ, Հայաստան

Գլխավոր թեմաներ