ԵՐԵՎԱՆ, 26 նոյեմբերի – Sputnik. ՀՀ վարչապետի պաշտոնակատար Նիկոլ Փաշինյանն արձակուրդ է վերցրել 9 օրով։ Այս մասին հայտնում է ՀՀ կառավարության մամուլի ծառայությունը։
«Վարչապետի պաշտոնակատար Նիկոլ Փաշինյանը սույն թվականի նոյեմբերի 26-ից մինչև դեկտեմբերի 5-ը ներառյալ գտնվելու է արձակուրդում»,– նշված է հաղորդագրության մեջ:
Մամուլի ծառայությունից հայտնում են նաև, որ արձակուրդը վճարվող չի լինի։
Հիշեցնենք, որ Փաշինյանն արձակուրդի մասին հայտնել էր երեկ ֆեյբուքյան պաշտոնական էջում` բացատրելով, որ արձակուրդը վերցնում է ԱԺ ընտրությունների քարոզարշավին լիարժեք մասնակցելու համար։
Օրեր առաջ լրագրողների հետ զրույցում նա ասել էր, որ աշխատանքային ժամերին քարոզարշավով զբաղվելն օրենքի խախտում չէ, և ինքը ցանկություն չունի արձակուրդ գնալու։
Ազգային ժողովի արտահերթ ընտրությունը կկայանա դեկտեմբերի 9–ին։
