16:45 16 հուլիսի 2020
Ուղիղ եթեր
  • USD483.64
  • GBP605.66
  • EUR550.33
  • RUB6.79
Քաղաքականություն
Ստանալ կարճ հղումը
59 0 0

Հայաստանում Ռուսաստանի դեսպանը կարծում է, որ ՀԱՊԿ–ն ավելի ուժեղ կդառնա առաջացած տարաձայնությունները լուծելուց հետո։

ԵՐԵՎԱՆ, 27 նոյեմբերի — Sputnik. ՀԱՊԿ–ում բոլոր հարցերը պետք է լուծվեն կոնսենսուսի հիման վրա, լրագրողներին ասաց Հայաստանում Ռուսաստանի արտակարգ և լիազոր դեսպան Սերգեյ Կոպիրկինը` պատասխանելով կազմակերպությունում առաջացած տարաձայնություններին վերաբերող հարցին։

«Կարող եմ մի բան ասել` կազմակերպությունում բոլոր հարցերը պետք է լուծվեն և լուծվելու են կոնսենսուսի միջոցով` հաշվի առնելով բոլոր շահագրգիռ կողմերի կարծիքները։ Հենց այդ ժամանակ կազմակերպությունը լավագույնս կծառայի իր նպատակներին։ Մնացածը եկեք թողնենք մեր պետությունների առաջնորդներին», – նշեց դեսպանը։

Նա համոզված է` հարցը կլուծվի այնպես, որ կազմակերպությունն ավելի կոփված դուրս գա այս իրավիճակից։

Հիշեցնենք, որ Ղազախստանի նախագահ Նուրսուլթան Նազարբաևը լրագրողներին ասել էր, որ գլխավոր քարտուղարի պաշտոնը պետք է Բելառուսին անցնի այբբենական կարգով` բացատրելով դա նրանով, որ Հայաստանի ներկայացուցիչ լինելու դեպքում նոր գլխավոր քարտուղարը մնացած ժամանակահատվածում չի հասցնի լիարժեք տիրապետել իրավիճակին։ Իսկ Բելառուսի նախագահ Ալեքսանդր Լուկաշենկոն տեսախցիկների առջև Ադրբեջանի դեսպանին հայտնել էր Աստանայում տեղի ունեցած փակ քննարկման մանրամասները։

Ի պատասխան ՀՀ վարչապետի պաշտոնակատար Նիկոլ Փաշինյանը խոստացել էր, որ պարզաբանումներ կպահանջի, քանի որ երկու գործընկերների պահվածքը հակասում է նրանց պայմանավորվածություններին։ Աստանան չի պատասխանել, իսկ Մինսկը արձագանքել է ԱԳՆ ներկայացուցիչ Անատոլի Գլազի շուրթերով։ Վերջինս, շրջանցելով հարցի բուն էությունը, փաստորեն կշտամբել է ՀՀ առաջնորդին` «միջազգային դատախազի» գործառույթներն իր վրա վերցնելու ձգտման համար։ Որոշ ժամանակ անց, Փաշինյանը կրկին անդրադարձել էր այդ թեմային` ասելով, որ թույլ չի տա որևէ մեկին անտեսել Հայաստանի շահերը։

Ըստ թեմայի

Սարգսյանը ՀԱՊԿ–ում Հայաստանի մշտական ներկայացուցիչ է նշանակել Փաշինյանի առաջարկով
ՀԱՊԿ անդամների Բաքվի հետ «սիրախաղը». ինչո՞վ կավարտվի Երևան–Մինսկ «հրետակոծությունը»
ՀԱՊԿ-ում գոյացած հարցերը պետք է ստանան կոնկրետ պատասխաններ և հստակեցումներ. Փաշինյան
Արմեն Սարգսյանը պե՞տք է միջամտի ՀԱՊԿ քարտուղարի պաշտոնի շուրջ ստեղծված իրավիճակին
թեգերը:
Հավաքական անվտանգության պայմանագիր կազմակերպություն (ՀԱՊԿ), Հայաստան

Գլխավոր թեմաներ