02:06 25 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95
Քաղաքականություն
Ստանալ կարճ հղումը
ԱԺ արտահերթ ընտրություններ 2018 (357)
6 0 0

«Քաղաքացու որոշում» կուսակցության անդամների համար ավելի հարմար է իրենց գաղափարներն առաջ տանել փողոցներում, բայց նրանք ցանկանում են աշխատանքի փորձ ունենալ խորհրդարանում։ Եթե նույնիսկ կուսակցությունը չհաղթահարի 5–տոկոսանոց շեմը, ամեն դեպքում կպայքարի իր գաղափարներն առաջ մղելու համար։

ԵՐԵՎԱՆ, 28 նոյեմբերի — Sputnik. «Քաղաքացու որոշում» կուսակցությունն առաջնահերթ հարց է համարում սահմանադրական բարեփոխումներ անցկացնելը և ուզում է ԱԺ առաջիկա ընտրություններում 5–տոկոսանոց շեմը հաղթահարելու դեպքում նախաձեռնել այդ գործընթացը։ Sputnik Արմենիայի թղթակցին այս մասին ասաց կուսակցության համամասնական ցուցակը գլխավորող Սուրեն Սահակյանը։

«Մենք ներկա սահմանադրությունը դիտարկում ենք որպես ճանապարհային քարտեզ և մտադիր ենք սահմանադրական փոփոխություններ նախաձեռնել` կեղծիքներով ընդունված փաստաթղթից ազատվելու համար», – ասաց նա։

Քաղաքական գործչի խոսքով` անհրաժեշտ է շտկումներ անել մի շարք օրենքներում, որոնք պետք է երաշխավորեն կուսակցությունների և այլ հասարակական միավորումների գործողությունների թափանցիկությունը և ժողովրդավարությունը։ Գերակա հարցերի շարքում նոր Ընտրական օրենսգրքի ընդունումն է և անցումային արդարադատության կիրառումը, ուղիղ ժողովրդավարության մեխանիզմների ներմուծումը։

«Մենք մտադիր ենք նախաձեռնել օրենսդրական բարեփոխումներ, որոնք կենթադրեն նախկին և ներկա պաշտոնյաների յուրացրած միջոցների վերադարձ, նրանց համաներում, ինչպես նաև պետական պաշտոններ զբաղեցնելու արգելք», – ասաց թեկնածուն։

Կուսակցությունը խոստանում է բարեփոխել գրեթե բոլոր հնարավոր ոլորտները` մշակույթ, կրթություն, առողջապահություն և այլն։ Կուսակցության համար կարևորագույն ոլորտներից մեկը սոցիալականն է։ Պատգամավորների թեկնածուները մտադիր են երկրի բոլոր քաղաքացիների սոցիալական հավասարության հասնել։

«Յուրաքանչյուր քաղաքացի պետք է անհատական գործունեություն սկսելու հնարավորություն ունենա, կարողանա կրթություն ստանալ, իրագործել իր գաղափարները։ Հենց դա է մեզ համար առաջնահերթ հարցը։ Մենք առաջարկում ենք նոր որոշումներ և ցանկանում ենք քաղաքացիներին վերադարձնել երջանկության հայեցակարգը», – ասաց Սահակյանը։

«Քաղաքացու որոշումը» խոստանում է նաև արդիականացնել սպառազինությունները, արտաքին քաղաքականությունը կառուցել երկու վեկտորով` պետական շահեր և միջազգային իրավունք։

Հիշեցնենք` Ազգային ժողովի արտահերթ ընտրությունը, որին 11 քաղաքական ուժեր են մասնակցում, տեղի կունենա դեկտեմբերի 9–ին։

թեմա:
ԱԺ արտահերթ ընտրություններ 2018 (357)

Ըստ թեմայի

Փաշինյանի նախկին գործընկերը մեղադրել է նրան քաղաքական համակարգն ապակայունացնելու մեջ
Ինչ պետք է չանի ընտրողը քվեարկության ժամանակ. կարևոր հիշեցում ՔԿ–ից
Սարգսյանը ձեռնոց է նետել Փաշինյանին. նա բանավեճի է հրավիրում վարչապետի պաշտոնակատարին
«Հարվարդում չեմ սովորել, բայց գիտեմ` ինչ է պետք մարդկանց». Ծառուկյան
ՀՀԿ–ի հայտարարությունն ադեկվատ չէ. Արարատ Միրզոյան
Բոզոյան. «ՀՀԿ–ն փորձելու է վեց ամիսների խնդիրները բարդել Փաշինյանի վրա»
Արա Բաբլոյանը չի կարողացել անտարբեր մնալ. նա հայտարարություն է տարածել
Հանրահավաքներ, մանդարին և շտաբ-մեքենաներ. ինչո՞վ կհիշվի նախընտրական այս քարոզարշավը
Հավատարիմ եղեք ձեր դավանած արժեքներին և հարգալից՝ միմյանց նկատմամբ. ՀՀ նախագահի ուղերձը
թեգերը:
Հայաստանի խորհրդարան (ՀՀ ԱԺ), Հայաստան

Գլխավոր թեմաներ