23:41 22 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Արփինե Հովհաննիսյան

Քվեարկվեք ոչ թե իմ, այլ Էդուարդ Շարմազանովի օգտին. Արփինե Հովհաննիսյանը` լոռեցիներին

© Sputnik / Aram Nersesyan
Քաղաքականություն
Ստանալ կարճ հղումը
ԱԺ արտահերթ ընտրություններ 2018 (357)
39710

Արփինե Հովհանիսյանի խոսքով` Էդուարդ Շարմազանովը շատ ավելի լավ է տիրապետում մարզի խնդիրներին և դրանց լուծման մեխանիզմներին։

ԵՐԵՎԱՆ, 29 նոյեմբերի — Sputnik. ՀՀԿ համամասնական ցուցակի 2-րդ համար, ՀՀ ԱԺ փոխխոսնակ Արփինե Հովհաննիսյանը Լոռու մարզի իրենց կողմնակիցներին կոչ է անում իր փոխարեն ընտրել Էդուարդ Շարմազանովին։

Հիշեցնենք, որ դեկտեմբերի 9-ին կայանալիք արտահերթ խորհրդարանական ընտրություններին Արփինե Հովհաննիսյանը ռեյտինգային ընտրակարգով առաջադրվել է նաև թիվ 9 (Լոռու մարզ) ընտրատարածքում:

«Կլինեմ անկեղծ: Մենք անցկացնելու ենք առավելագույնս ակտիվ քարոզարշավ, և ես շատ կցանկայի այցելել Լոռու մարզի բոլոր բնակավայրերը, շփվել բոլորի հետ` ներկայացնելով մեր ծրագրերն ու առաջարկները: Բայցևայնպես, համամասնական ցուցակի 2-րդ համարի տրամաբանությունը թույլ չի տալիս կենտրոնանալ ռեյտինգային ընտրակարգի էությունից բխող քարոզարշավի վրա»,–գրել է Հովհաննիսյանը:

Նա տեղեկացրել է, որ այսօր առաջին օրն է, որ ինքը հնարավորություն ունի Լոռի մեկնելու։

«Կոչ եմ անում և խնդրում եմ Լոռու մարզի ընտրողներին քվեարկել ՀՀԿ համամասնական ցուցակի, իսկ ռեյտինգային ընտրակարգով` ոչ թե իմ, այլ Էդուարդ Շարմազանովի օգտին: Որպես ռեյտինգային ընտրակարգով առաջադրված պատգամավորի թեկնածու և իսկական լոռեցի` իմ գործընկեր Էդուարդ Շարմազանովը շատ ավելի լավ է տիրապետում մարզի խնդիրներին և դրանց լուծման մեխանիզմներին, քան որևէ այլ թեկնածու»,–անկեղծացել է Արփինե Հովհաննիսյանը:

Հիշեցնենք, որ ՀՀ ԱԺ արտահերթ խորհրդարանական ընտրությունները կանցկացվեն դեկտեմբերի 9–ին։

թեմա:
ԱԺ արտահերթ ընտրություններ 2018 (357)

Ըստ թեմայի

ՀՀԿ–ն նոր հայտարարություն է տարածել
Բոզոյան. «ՀՀԿ–ն փորձելու է վեց ամիսների խնդիրները բարդել Փաշինյանի վրա»
Մահացել է ՀՀԿ ռեյտինգային կազմով առաջադրված թեկնածուներից մեկը
թեգերը:
Հայաստանի Հանրապետական կուսակցություն (ՀՀԿ), Արփինե Հովհաննիսյան, Ազգային ժողովի ընտրություններ, Հայաստան

Գլխավոր թեմաներ