22:36 14 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Լևոն Շիրինյան

Վերածննդի գաղտնիքը. ինչի՞ վրա է շեշտը դնում Լևոն Շիրինյանի կուսակցությունը

PHOTOLURE
Քաղաքականություն
Ստանալ կարճ հղումը
ԱԺ արտահերթ ընտրություններ 2018 (325)
41 0 0

«Քրիստոնյա–դեմոկրատական վերածնունդ» կուսակցությունը համաձայն չէ քաղաքական տեխնոլոգների հոռետեսական կանխատեսումների հետ և բարձր է գնահատում Հայաստանի ապագա խորհրդարան մտնելու շանսերը։

ԵՐԵՎԱՆ, 7 դեկտեմբերի — Sputnik. «Քրիստոնյա–դեմոկրատական վերածնունդ» կուսակցությունը համոզված է, որ գտել է Հայաստանը զարգացնելու և տնտեսությունը ուժեղացնելու բանաձևը։ Ավելին, կուսակցության նախընտրական ցուցակը գլխավորող Լևոն Շիրինյանը կարծում է, որ իրենց ուժը կարող է դառնալ նոր խորհրդարանի ողնաշարը։

Կուսակցությունն անցկացնում է ակտիվ քարոզարշավ` պատրաստվելով դեկտեմբերի 9–ին կայանալիք արտահերթ խորհրդարանական ընտրություններին։ Կուսակցության ղեկավարությունը մոտ մեկ ամիս առաջ հայտարարել է, որ ՔԴՎ–ն պատրաստվում է խորհրդարան մտնել «թավշյա հեղափոխության» գաղափարների պաշտպանության և Հայաստանի վերածննդի համար։

Քաղտեխնոլոգները քիչ հավանական են համարում կուսակցության մուտքը խորհրդարան, սակայն Շիրինյանը համաձայն չէ նման կանխատեսումների հետ։ Նա ենթադրում է, որ ՔԴՎ–ն հաղթանակի ավելի շատ շանսեր ունի, քան մյուս «նորեկները», որոնք հայտնվել են քաղաքական ասպարեզում։

«Բարձր եմ գնահատում մեր շանսերը։ Միգուցե և սակավաթիվ կազմով, բայց մենք, ամեն դեպքում, կանցնենք խորհրդարան», – ասաց Շիրինյանը Sputnik Արմենիայի թղթակցի հետ զրույցում։

Նա համոզված է, որ մյուս քաղաքական ուժերի հետ համագործակցությունը և նրանց հետ կոալիցիա ձևավորելն անհնար է կուսակցության գաղափարախոսական դիրքորոշման պատճառով։ Քաղաքական ուժն իր առավելությունն է համարում մշակույթը քաղաքականություն վերադարձնելը` հաշվի առնելով ազգային առանձնահատկությունները։

Ավելի վաղ Շիրինյանը հայտարարել էր, որ ՔԴՎ ներկայացուցիչները խորհրդարանի ամբիոնից կարտահայտեն այլընտրանքային կարծիք, բայց ոչ ընդդիմադիր։ Նա համոզված է, որ ժամանակի հետ կուսակցությունը կդառնա Ազգային ժողովի ողնաշարը, որի շուրջ կմիավորվեն մյուս քաղաքական ուժերը։

Շիրինյանը բանաձև ունի, որի օգնությամբ նա հույս ունի նոր մակարդակի բարձրացնել երկրի տնտեսությունը։ Քաղաքական գործչի կարծիքով` դա հայկական կապիտալի օգնությամբ լեռնահանքային արդյունաբերությունը զարգացնելն է։

«Հայաստանի կառավարությունը չպետք է դիտարկի դա որպես բիզնես նախագիծ, հովանավոր պետք է լինի հենց պետությունը, այլ ոչ թե արտասահմանյան կապիտալը», – կարծում է Շիրինյանը։

Շիրինյանի հաջորդ քայլը Հայաստանում մշակույթի մակարդակը բարձրացնելն է։

Քաղաքական գործիչը համոզված է, որ Երևանը կարող է օրինակ դառնալ ամբողջ աշխարհի համար, այդ թվում` հրաժարվելով պրագմատիզմի կործանարար քաղաքականությունից։

թեմա:
ԱԺ արտահերթ ընտրություններ 2018 (325)

Ըստ թեմայի

ԲՀԿ–ի 35 քայլերը կամ ինչու է Գագիկ Ծառուկյանն ուզում նոր հեղափոխություն անել
Կրծոցի՝ գաղափարների փոխարեն. փորձագետի գնահատականներն ու կանխատեսումները
Ապրել մինչև ապրիլ. ինչո՞ւ ընտրություններից հետո ներդրումային բում չի լինի
թեգերը:
Ազգային ժողովի ընտրություններ

Գլխավոր թեմաներ