22:38 14 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Արթուր Վանեցյան. ԱԱԾ պետ

«Ձայնագրությունը մոնտաժված է, դա փաստ է». Վանեցյանը մեկնաբանեց սկանդալային գաղտնալսումը

© Sputnik / Aram Nersesyan
Քաղաքականություն
Ստանալ կարճ հղումը
213 0 0

Քննությունը կապացուցի, որ Փաշինյանի և Վանեցյանի հեռախոսազրույցի ձայնագրության մոնտաժն աղավաղել է դրա բովանդակությունը։

ԵՐԵՎԱՆ, 7 դեկտեմբերի — Sputnik. Նիկոլ Փաշինյանի և Արթուր Վանեցյանի` համացանցում հրատարակված ձայնագրությունն այնպես է մոնտաժված, որ լիովին աղավաղում է զրույցի էությունը։

Այդ մասին ուրբաթ լրագրողներին ասաց ԱԱԾ ղեկավար Արթուր Վանեցյանը։

Հիշեցնենք, որ դեկտեմբերի 5–ին համացանցում հրապարակվել է Հայաստանի Ազգային անվտանգության ծառայության տնօրեն Արթուր Վանեցյանի, Հատուկ քննչական ծառայության պետ Սասուն Խաչատրյանի և Փաշինյանի հեռախոսազրույցը։ Հեռախոսազրույցի ընթացքում Վանեցյանն ու Փաշինյանը քննարկում են ՀԱՊԿ նախկին գլխավոր քարտուղար Յուրի Խաչատուրովի կալանքն ու հնարավոր հետևանքները։ Վանեցյանը, մասնավորապես, ասում է, որ Խաչատուրովի կալանքը կարող է «բարդացնել ռուսների հետ հարաբերությունները»։

Մեկնաբանելով ձայնագրությունը` վարչապետի պաշտոնակատարը հայտարարել է, որ այն մասամբ մոնտաժված է, մասնավորապես ջնջված է հատվածը, որտեղ նա Վանեցյանի հետ խոսում է դատավորների անվտանգությունն ապահովելու մասին։

«Վարչապետը մեկնաբանել է այդ հարցը, ես ավելացնելու բան չունեմ։ Ձայնագրությունը կիսատ է ներկայացված, մոնտաժված է, և քննությունը կապացուցի դա։ Դա անհերքելի փաստ է», – ասաց Վանեցյանը` հավելելով, որ բոլոր ապացույցները կհրապարակվեն։

Նա ևս մեկ անգամ ընդգծեց, որ զրույցը մոնտաժված է և հաղորդեց, որ սպասում էր «գաղտնալսման երկրորդ մասի» արտահոսքին։

Նա խոստացավ դեկտեմբերի 15–ին մանրամասներ հաղորդել լրագրողներին։

Ըստ թեմայի

Ռոբերտ Քոչարյանը կարող է տուժող ճանաչվել գաղտնալսումների գործով
Նիկոլ Փաշինյանը խոսեց գաղտնալսման «երկրորդ սերիայի» մասին
Սկանդալային գաղտնալսման երկրորդ սերիան ցրեց Փաշինյանի միֆերը. Աշոտյան
Գաղտնալսված հեռախոսազրույցի ո՞ր մասն է մոնտաժված. Փաշինյանը փակագծեր է բացել
թեգերը:
ՀՀ Ազգային Անվտանգության ծառայություն. ԱԱԾ, Արթուր Վանեցյան

Գլխավոր թեմաներ