22:15 18 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
Վարուժան Ավետիսյան

Հանուն ինչի քվեարկեց «Սասնա ծռերի» ցուցակը գլխավորող Վարուժան Ավետիսյանը

© Sputnik / Aram Nersesyan ,
Քաղաքականություն
Ստանալ կարճ հղումը
ԱԺ արտահերթ ընտրություններ 2018 (357)
102 0 0

Ավետիսյանը կատարեց իր քաղաքացիական պարտքը և հորդորեց, որ մյուսները ևս ակտիվ մասնակցեն Ազգային ժողովի ընտրության քվեարկությանը։

ԵՐԵՎԱՆ, 9 դեկտեմբերի – Sputnik. «Սասնա ծռեր» կուսակցության ցուցակը գլխավորող Վարուժան Ավետիսյանը քվեարկեց հանուն ինքնիշխան, հզոր և բոլոր հայերի հայրենիք դարձող Հայաստանի։ Ազգային ժողովի ընտրության քվեարկությանը մասնակցելուց հետո նա այս մասին ասաց լրագրողներին։

«Այդ նախադրյալները կան այսօր, և մենք բոլորս միասին աշխատենք դրանց իրականացման ուղղությամբ։ Ես վստահում եմ մեր ժողովրդին, լրացուցիչ մեկնաբանություններ չեմ ուզում տալ` լռության կարգը չխախտելու համար»,– ասաց նա։

Լրագրողների այն դիտարկմանը, թե ըստ ՀՀ ոստիկանապետի` աննախադեպ քարոզարշավ է անցկացվել, Ավետիսյանը ասաց. «Ոստիկանապետը չէ, որ պետք է ասի` քարոզարշավն ինչպիսին է եղել։ Մեր պատկերացրած Հայաստանում ոստիկանապետերը ընդհանրապես պետք է զերծ մնան քաղաքականության մեջ մտնելուց»։

ԶԼՄ ներիկայացուցիչները հետաքրքրվեցին` քարոզարշավը հավասար պայմաններում անցա՞վ։

«Անցումային ժամանակ ենք ապրում, բնականաբար մեր ուզած հավասարությունը չէր կարող լինել, բայց այս ընտրությունը միջանկյալ փուլ էր, որը կտանի արդար, ազատ, հավասար ընտրություններ։ Հիմա կա ազատություն, բայց շարունակությունը մեր ժողովուրդը, բոլորս միասին կապահովենք»,– ասաց Ավետիսյանը։

Նա նշեց, որ քվեարկությունից հետո մեկնելու է ծննդավայր` Գեղարքունիքի մարզ։

ԱԺ ընտրությանը մասնակցում են 9 կուսակցություն, 2 դաշինք։ Ցուցակներում ընդգրկված են 1444 թեկնածու, որոնցից 12 –ը ազգային փոքրամասնությունների ներկայացուցիչներ են։

Հայաստանի ամբողջ տարածքում բացվել են 2010 ընտրատեղամասեր, դրանցից մի քանիսը` ՔԿՀ–ներում։ Իսկ այն քաղաքացիները, որոնք զրկված են տեղամաս այցելելու հնարավորությունից, իրենց ընտրությունը կկատարեն 41 շրջիկ արկղերի միջոցով։

 

թեմա:
ԱԺ արտահերթ ընտրություններ 2018 (357)

Ըստ թեմայի

«Խայտառակ չեմ ուզում լինել». տղամարդը չկարողացավ քվեարկել
Մուկուչյան. «Տեխնիկական խափանումներ են գրանցվել»

Գլխավոր թեմաներ